اسلام آباد (این این آئی)پاکستانیوں نے ورلڈکپ کے فائنل کے حوالے سے سروے میں اپنی رائے کا اظہار کرتے ہوئے کہاہے کہ پاکستان فائنل میں بھارت کو ہرا کر ورلڈکپ جیتے گا۔
اپسوس نے پاکستانیوں کی رائے پر مبنی سروے جاری کردیا جس کے مطابق 73 فیصد پاکستانیوں کی رائے ہے کہ کرکٹ ورلڈ کپ کا فائنل پاکستان اور بھارت کے درمیان ہوگا. پاکستان ورلڈ کپ جیتے گا۔
دس فیصد پاکستانیوں کے مطابق بھارت، 6 فیصد کے نزدیک آسٹریلیا جبکہ 5 فیصد کی رائے میں نیوزی لینڈ عالمی چیمپئن ہوگا۔
پاکستانیوں کی اکثریت نے سیمی فائنلز کے لیے پاکستان، بھارت، آسٹریلیا اور انگلینڈ کو فیورٹ قرار دے دیا۔
سروے کے مطابق 30 فیصد پاکستانی ورلڈ کپ کو گہری دلچسپی سے فالو کررہے ہیں، 63 فیصد دلچسپی کے ساتھ جبکہ سات فیصد لوگ ورلڈ کپ پر گہری نظر نہیں رکھتے۔
