پاکستانی کرکٹرز نے اسرائیلی فوج کی جانب سے غزہ کے معصوم شہریوں کی نسل کشی پر فلسطینیوں کے ساتھ یکجہتی کا اظہار کیا ہے۔
قومی ٹیم کے آل راؤنڈر شاداب خان، فاسٹ بولر حارث رئوف، بیٹر افتخار احمد، اسامہ میر، محمد نواز، سابق کپتان اظہر علی نے سماجی رابطوں کی ویب سائٹ ایکس پر فلسطین کے عوام کے ساتھ اظہار یکجہتی کیا ہے۔
قومی کرکٹرز کی جانب سے اظہار یکجہتی کے لیے ایکس پر فلسطینی پرچم کی تصاویر پوسٹ کی گئی ہیں۔
واضح رہے کہ غزہ میں اسرائیلی فوج کی جانب سے انسانیت سوز حملے کیے جا رہے ہیں اور فلسطین کے عوام محصور ہو کر رہ گئے ہیں۔
قومی کرکٹرز کے علاوہ زمبابوے کے کرکٹر سکندر رضا نے بھی فلسطین کے عوام کے ساتھ اظہار یکجہتی کیا ہے اور سوشل میڈیا پر پوسٹ شیئر کی ہے۔
