سابق وزیر فضل شکور پی ٹی آئی چارسدہ کے ضلعی صدر سمیت گرفتار

پاکستان تحریک انصاف سے تعلق رکھنے والے خیبر پختونخوا کے سابق وزیر صوبائی وزیر قانون فضل شکور خان اور پی ٹی آئی چارسدہ کے ضلعی صدر عزیز خان کو گرفتار کرلیا گیا۔
سابق وزیر قانون فضل شکور خان اور پی ٹی آئی کے ضلعی صدر کے خلاف 9 مئی واقعات میں ملوث ہونے کا الزام ہے اور دونوں کو مختلف مقدمات کا بھی سامنا ہے ۔
بدھ کے روز ایڈیشنل سیشن جج چارسدہ نصرت ناز کی عدالت میں 9 مئی حملوں سے متعلق مقدمے کی سماعت ہوئی۔
عدالت نے پی ٹی آئی رہنما فضل شکور خان اورضلعی صدر عزیز خان کی ضمانت کی درخواستیں مسترد کردیں جس پر انہیں احاطہ عدالت سے گرفتار کرلیا گیا۔