چیئرمین پی ٹی آئی سے 10وکلا جیل میں ملاقات کر سکیں گے ، سپرنٹنڈنٹ جیل نے چیئرمین پی ٹی آئی سے پوچھ کر لسٹ ہائیکورٹ میں جمع کرا دی۔
سپرنٹنڈنٹ جیل کے مطابق منگل اور جمعرات کو مذکورہ دس وکلا چیئرمین پی ٹی آئی سے ملاقات کر سکیں گے ۔
لسٹ میں حامد خان ، بیرسٹر علی ظفر ، شعیب شاہین ،شیر افضل مروت ، سلمان صفدر ، بیرسٹر عمیر نیازی ، سلمان اکرم راجہ ، بیرسٹر گوہر ، برہان معظم ، لطیف خان کھوسہ کے نام شامل ہیں۔
سپرنٹنڈنٹ اڈیالہ جیل کے اقدام پر چیئرمین پی ٹی آئی کے وکلا نے اظہار اطمینان کیا ،اسلام آباد ہائیکورٹ نے سہولیات فراہمی درخواست نمٹانے کا تحریری حکم جاری کردیا۔
سپرنٹنڈ نٹ جیل نے کہا فیملی ہفتے میں دو دن ملاقات کی درخواست دے تو قانون کے مطابق فیصلہ کریں گے ، جسٹس میاں گل حسن اورنگزیب اور جسٹس ثمن رفعت امتیاز نے فیصلہ جاری کیا۔
