ٹیسلا کمپنی اور سماجی رابطے کی ویب سائٹ ایکس (ٹوئٹر) کے مالک ایلون مسک نے اسرائیلی جارحیت کے شکارعلاقے غزہ میں انٹرنیٹ سروس دینے کا اعلان کر دیا۔
ایلون مسک کی جانب سے یہ اعلان ہفتے کے روز سماجی رابطے کے پلیٹ فارم ایکس (سابقہ ٹوئٹر) پر کیا گیا۔
ایلون مسک کااعلان ایسے وقت میں آیا ہے جب اسرائیل کی بمباری کے سبب مواصلات کے تمام ذرائع بند ہیں۔
انہوں نے ٹویٹ میں لکھا کہ اسٹارلنک کمپنی غزہ میں بین الاقوامی امدادی اداروں کو انٹرنیٹ کی سپورٹ کرے گا۔ کمپنی اقوامِ متحدہ اور دیگر بین الاقوامی امدادی اداروں کو سپورٹ کرے گا۔
سوشل میڈیا صارفین کی جانب سے ایلون مسک کے اقدام پر ملے جلے ردعمل کااظہار کیا جارہاہے۔
