مشہور ریئلٹی شو بگ باس 17جاری ہے اور اب شو کے میزبان سلمان خان کو ان کے دو بھائیوں ارباز اور سہیل نے بھی جوائن کرلیا ہے۔
بھارتی میڈیا کے مطابق شو کے نئے پروگرام ‘ویکینڈ کا وار’ میں تینوں خان برادران میزبانی کریں گے اور نئی پرومو ویڈیو میں سہیل اور ارباز کو سلمان کو خوش آمدید کرتے ہوئے دیکھا جاسکتا ہے۔
ذرائع کے مطابق نئی قسط میں تینوں بھائی اپنے فلمی کیریئر کے کچھ انکشافات کے ساتھ نجی زندگی پر بھی مزاح سے بھرپور گفتگو کریں گے۔
ارباز خان اور سہیل خان ‘بگ باس’ کے انٹرٹینمنٹ ایمبیسڈر بنیں گے جبکہ اس سے قبل وہ وہ بگ باس میں بطور خاص ناظرین شریک تھے۔
