قومی کرکٹ ٹیم کے کپتان بابراعظم کی واٹس ایپ چیٹ لیک کرنے پر سابق کپتان شاہد آفریدی اور وقار یونس نے ٹی وی اینکر کی کلاس لے لی۔
شاہد آفریدی نے چیٹ لیک کرنے کو گھٹیا حرکت قراریتے ہوئے کہا کہ کس طرح کسی کا پرائیویٹ میسج ٹی وی دکھا سکتے ہیں؟ ہم خود ہی اپنے ملک اور کھلاڑیوں کو بدنام کرتے ہیں، یہ ایک انتہائی گری ہوئی حرکت ہے۔
سابق فاسٹ بولر وقار یونس نے ٹی وی پروگرام کا کلپ سوشل میڈیا پر شیئر کرتے ہوئے لکھا کہ یہ نہایت ہی مضحکہ خیز عمل ہے۔
یہ کیا کرنے کی کوشش کر رہے ہیں آپ لوگ؟
برائے مہربانی بابر اعظم کوچھوڑ دیں، وہ پاکستان کرکٹ کا ایک اثاثہ ہے۔
سابق کپتان اظہر علی سوال اٹھایا کہ کیا چیٹ دکھانے سے پہلے بابر اعظم سے اجازت لی گئی؟۔
سوشل میڈیا صارفین بھی بابراعظم کی ذاتی چیٹ لیک کرنے پرچیئرمین پی سی بی اور ٹی وی چینل میزبان کو سخت تنقید کا نشانہ بنا رہے ہیں
یہ معاملہ میڈیا میں اس وقت سامنے آیا جب راشد لطیف نے دعویٰ کیا کہ پی سی بی کے بڑے اب بابراعظم کے میسجز کا جواب بھی نہیں دے رہے۔
اس دعوے کے بعد چیئرمین پی سی بی ذکا اشرف نے ٹی وی شو میں بابر اعظم کی سی ای او پی سی بی سلمان نصیر کے ساتھ پرسنل چیٹ دکھائی جسے لائیونشر بھی کیا گیا۔
