ممتاز پشتو شاعر، افسانہ و ڈرامہ نگار لائق زادہ لائق پشاور میں انتقال کر گئے ہیں۔
میڈیا رپورٹس کے مطابق لائق زادہ لائق کے اہلخانہ نے ان کے انتقال کی تصدیق کر دی ہے۔
معروف شاعر و مصنف لائق زادہ لائق نے 500 سے زیادہ ریڈیو اور 12 ٹی وی ڈرامے لکھے ہیں۔
افسانہ اور ڈرامہ نگار لائق زادہ لائق 120 افسانے اور 36 کتابیں لکھ چکے ہیں۔
شعبۂ ادب میں ان کی خدمات کے پیش نظر انہیں صدارتی اعزاز، قومی و بین الاقوامی ایوارڈز سے بھی نوازا جا چکا ہے۔
لائق زادہ لائق کے انتقا ل پر ادبی حلقوں نے اظہار تعزیت کیا ہے۔
