اسرائیلی بمباری سے پوری نسل ختم ہو گئی، دنیا خاموشی سے دیکھ رہی ہے، ثانیہ مرزا

بھارت کی سابق ٹینس اسٹار اور سابق پاکستانی کپتان شعیب ملک کی اہلیہ ثانیہ مرزا نے غزہ کی صورتحال پر عالمی برادری کی خاموشی کوسخت تنقید کا نشانہ بنایا ہے۔

ثانیہ مرزا نے سوشل میڈیا پر اپنے ایک بیان میں کہا کہ غزہ میں وزارت تعلیم نے سرکاری طور پر تعلیمی سال ختم کرنے کا اعلان کردیا ہے کیونکہ اسرائیلی بمباری سے تمام طلبا جاں بحق ہوگئے۔

ثانیہ مرزا کا مزید کہنا تھا کہ اسرائیل کی بمباری سے پوری نسل ختم ہو گئی اور یہ سلسلہ ابھی جاری ہے لیکن دنیا خاموشی سے یہ نسل کشی دیکھ رہی ہے۔

 اسرائیل کے غزہ پر وحشیانہ حملوں میں اب تک 8 ہزار سے زائد فلسطینی شہید ہوچکے ہیں جن میں بڑی تعداد میں بچے بھی شامل ہیں۔