چین کے تعمیراتی منصوبےدنیا کو دنگ کر دیتے ہیں۔حال ہی میں چین نے چینگدو سائنس فکشن میوزیم محض 12 مہینے میں تعمیر کر کے حیرت انگیز کارنامہ انجام دیا ہے،یہ ایک ایسا میوزیم ہے جو ایک جھیل میں تیرتا ہوا نظر آتا ہے۔
صوبہ سیچوان کے صدر مقام میں تعمیر ہونے والا یہ میوزیم ہر زاویے سے مختلف نظر آتا ہے۔
اسے ڈیزائن کرنے والی کمپنی کے مطابق ہر پہلو سے یہ ہمیشہ لوگوں کو غیر معمولی محسوس ہوتا ہے۔سڈنی اوپیرا ہاؤس سے 3 گنا بڑا یہ میوزیم جتنی کم مدت میں تعمیر کیا گیا، وہ حیران کن ہے۔2022 میں 81 ویں عالمی سائنس فکشن کنونشن کے لیے اس میوزیم کو تعمیر کرنے کی منطوری دی گئی تھی۔
59 ہزار اسکوائر میٹر رقبے پر پھیلی اس طرح کی عمارت کی تعمیر عموماً 4 سے 5 سال میں مکمل ہوتی ہے۔مگر ڈیزائن سے لے کر عمارت کی تعمیر کو محض 12 ماہ کے اندر مکمل کرلیا گیا۔
