تلہ گنگ(این این آئی)مسلم لیگ نکے رہنما خواجہ سعد رفیق نے کہاہے کہ ہم کسی سے انتقام نہیں لیں گے، حکومت میں آنے کے بعد پی ٹی آئی سمیت تمام سیاسی جماعتوں سے بات چیت کریں گے۔
خواجہ سعد رفیق نے کارکنوں سے خطاب کرتے ہوئے کہا کہ میاں نوازشریف کی قیادت میں حکومت میں آنے کے بعد ہم تمام سیاسی جماعتوں سے بات کریں گے، پی ٹی آئی سے بھی گفتگو کریں گے، تمام سیاسی جماعتوں سے بات چیت پاکستان کو آگے لے جانے کیلئے ضروری ہے، اکیس اکتوبر محض نواز شریف کی واپسی کا دن نہیں ہے بلکہ یہ پاکستان کی تاریخ کا دھارا بدلنے کا دن ہے۔سابق وفاقی وزیر نے کہا کہ ہم کسی سے انتقام نہیں لیں گے، ہم بدلے کی بات نہیں کریں گے۔
انہوں نے کہا کہ ملک کے ساتھ ظلم کرنے والے بے نقاب ہو چکے ہیں،وہ وہ قبروں میں بھی اتر جائیں ان کا جرم معاف نہیں ہو گا۔ خواجہ سعد رفیق نے کہا کہ جس طرح چند سابق جرنلز، سابق ججز اور صحافیوں نے مل کر ایک غیر سنجیدہ اور ناتجربہ کار کو پرموٹ کیا اور ملک کا مہاتما بنایا اس سے پاکستان کو ناقابل تلافی نقصان پہنچا۔

لاہور  میں پیٹرول پمپ پر آئل ٹینکر میں آگ لگنے سے  متعدد گاڑیاں جل گئیں۔

پنجاب میں غیر معیاری ایوسٹین انجکشن کے درجنوں افراد کے بینائی سے محروم ہونے کے معاملے پر محکمہ صحت پنجاب نے مزید نو ڈرگ انسپکٹرز اور ڈپٹی ڈرگ کنٹرولرز کو معطل کر دیا۔

نوٹیفکیشن کے مطابق لاہور سے عزیز بھٹی ٹائون کے ڈرگ انسپکٹر ، وزیرآباد سے ڈپٹی ڈرگ کنٹرولر اور منچن آباد سے ڈرگ انسپکٹر، چکوال ڈسٹرکٹ سے ڈپٹی ڈرگ کنٹرولر اور ڈرگ انسپکٹر ، اٹک سے ڈپٹی ڈرگ کنٹرولر اور بہاولپور سے ڈرگ انسپکٹر کو معطل کیا گیا ۔

محکمہ صحت پنجاب کےنوٹیفکیشن کے مطابق تمام ڈرگ انسپکٹرز کو نظم وضبط اور احتساب ایکٹ کے تحت معطل کیا گیا ہے، معطل کیے گئے ڈرگ انسپکٹرزکی تعداد 20  ہو گئی ہے۔

مظفر آباد:آزاد کشمیر میں پی ٹی آئی مزید ایک نشست سے محروم ہو گئی ، رکن اسمبلی چوہدری مقبول گجرالیکشن میں دھاندلی کا جرم ثابت ہونے پر نشست سے ہاتھ دھو بیٹھے۔
مسلم لیگ (ن)کے امیدوارچوہدری اسماعیل نے ایل اے 35جموں 2 کے نتائج میں دھاندلی پر درخواست دی تھی ،الیکشن ٹربیونل نے دھاندلی ثابت ہونے پر انتخاب کالعدم قرار دیتے ہوئے پی ٹی آئی امیدوار چوہدری مقبول گجر کی کامیابی کا نوٹیفکیشن بھی منسوخ کردیا ہے۔ ٹربیونل کی جانب سے جاری فیصلے میں کہا گیا کہ ایل اے 35 جموں 2کا انتخاب کالعدم قرار دے کر دوبارہ کرایا جائے۔ٹربیونل نے الیکشن کمیشن کو دھاندلی میں ملوث اہلکاروں کیخلاف کارروائی کا بھی حکم دے دیا۔

اسلام آباد(این این آئی) پی ٹی آئی رہنماء و سابق رکن قومی اسمبلی علی محمدخان نے عمران خان کی زندگی کولاحق خطرات کے حوالے سے ایک ٹی وی پروگرام میں انتہائی اہم باتیں کی ہیں
ٹی وی پروگرام میں گفتگو کرتے ہوئے علی محمد خان نے کہا کہ چیئرمین تحریک انصاف کی جان کوخطرہ لاحق ہے ، ان کی جان بارے شروع ہی سے تحفظات تھے ،کون زہر دینا چاہتا ہے، بغیر ثبوت کے کسی کا نام نہیں لینا چاہتا ۔ انہوں نے کہا کہ ہم چاہتے ہیں چیئرمین پی ٹی آئی کیلئے گھر سے کھاناجائے، اگر ان کیلئے گھرسے کھانا آئے تو کسی کو کوئی مسئلہ تو نہیں ہو گا۔
انہوں نے کہا کہ پی ٹی آئی کی جماعت اسلامی و دیگر جماعتوں سے بات ہوئی ہے، چیئرمین پی ٹی آئی پر سنگین کیسز بنائے گئے ہیں، سیاسی جماعتوں کو زیادہ بات چیت کی طرف جانا چاہئے۔ انہوں نے کہا کہ کچھ مسائل کا سیاسی جماعتوں کو مل بیٹھ کر حل نکالنا چاہیے، کسی ایک سیٹ والی جماعت کو بھی سائڈلائن نہیں کیا جاسکتا۔
انہوں نے کہا کہ اگر کسی کو سیاست سے باہر کرنا ہے تو عوام کی طاقت سے کریں، کسی کو اجازت نہیں ہے کہ وہ کسی کو مائنس کرے ۔ انہوں نے کہا کہ پہلے مان چکا ہوں کہ ہم سے کچھ غلطیاں ہوئی ہیں، ہم نئے تھے ، جوان تھے اور جذباتی تھے ، مگر یہ تو تجربہ کار تھے ۔ انہوں نے کہا کہ چیئرمین پی ٹی آئی جب وزیراعظم بنے تو انہوں نے پہلے دن ہی اسمبلی میں بولنے نہیں دیاسب نے مل کرہلہ بول دیا تھا۔
انہوں نے کہا کہ 2013میں نواز شریف وزیراعظم بنے ہمارے ساتھ دھاندلی ہوئی مگر ہم نے تو کوئی شور شرابہ نہیں کیا بلکہ میں نے جا کرنواز شریف کو وزیراعظم بننے پر مبارکباد دی تھی۔

حکومت نے ایرانی تیل کے سمگلروں کے خلاف سخت کریک ڈاؤن کے احکامات جاری کر دیئے۔

سیالکوٹ (این این آئی)سابق وزیرِ دفاع خواجہ آصف نے فیض آباد دھرنے کے ضامن کے حوالے انتہائی اہم بیان جاری کیاہے۔
خواجہ آصف نے اپنے بیان میں کہا ہے کہ فیض آباد دھرنے کے بارے میں کہا کہ فیض آباد دھرنے میں فیض حمید نے معاہدے میں شامل ہونے کا اصرار کیا ہے۔ انہوں نے کہا کہ جن لوگوں نے دھرنے والوں کو بٹھایا تھا وہی ضامن تھے۔
سابق وزیرِ دفاع نے مزیدکہا کہ طالبان کو سوات اور فاٹا میں لا کر بٹھایا گیا ہے اور اسی وجہ سے دہشت گردی کے واقعات رونما ہو رہے ہیں۔ انہوں نے کہا کہ الیکشن اپنے مقررہ وقت پر ہو گا۔

اسلام آباد(این این آئی) چیئرمین پی ٹی آئی کے خلاف سائفر کیس کی اڈیالہ جیل میں سماعت کے معاملہ پرتحریک انصاف نے کہا ہے کہ جیل ٹرائل کیلئے وزارتِ قانون کا نوٹیفکیشن فیئر ٹرائل کی خلاف ورزی ہے۔
ترجمان پی ٹی آئی کے مطابق سائفر مقدمے کو خاص طرز پرچلانے کی کوشش کی جا رہی ہے، دستور کا آرٹیکل 10ـاے ہر شہری کو منصفانہ سماعت کا حق دیتا ہے۔ترجمان نے کہا کہ سائفر مقدمے میں بھی طے شدہ فیصلے کے مطابق ٹرائل آگے بڑھایا جا رہا ہے۔
ترجمان کے مطابق چیئرمین اوروائس چیئرمین کے خلاف مقدمے کی کھلی عدالت میں سماعت کی جائے۔
پارٹی ترجمان نے چیف جسٹس پاکستان سے مطالبہ کیا کہ چیئرمین پی ٹی آئی کو سیاسی انتقام کا نشانہ بنانے کا نوٹس لیا جائے۔