زیرہ ہمیشہ ہی کچن میں دستیاب ایک اہم جزو ہے، لیکن کیا آپ جانتے ہیں کہ ہمارے پکوانوں کو عمدہ ذائقہ بخشنے کے علاوہ بھی اس کے بہت سے فوائد ہیں؟

زیرے کے بیجوں میں پائے جانے والے غذائی اجزاء کی وجہ سے زیرے کا پانی دنیا بھر میں دوا کے طور پر ہزاروں سال سے استعمال کیا جا رہا ہے۔

روزانہ صرف ایک گلاس زیرے کا پانی پینا آپ کی صحت پر حیرت انگیز اثرات مرتب کرسکتا ہے اور آپ کو ان گِنت فوائد فراہم کر سکتا ہے۔

مردو خواتین دونوں اس کا استعمال کرتے ہوئے ان فوائد سے مستفید ہوسکتے ہیں۔

زیرہ پوٹاشیم اور آئرن کا ایک بہت اچھا ذریعہ ہے جو آپ کی قوتِ مدافعت بڑھانے میں مدد کرتا ہے۔ یہ اینٹی آکسیڈنٹس سے بھی مالا مال ہے اور اس میں اینٹی بیکٹیریل خصوصیات بھی ہیں جو انفیکشن پیدا کرنے والے بیکٹیریا سے لڑنے میں مدد کرتی ہیں۔

سوزش سے بچاؤ

زیرے کے پانی میں ایک طاقتور کیمیکل کمپاؤنڈ ہوتا ہے جسے تھائیموکوئنن کہا جاتا ہے، یہ جگر کو سوزش سے بچاتا ہے اور جگر کی صحت کو برقرار رکھنے میں بھی مدد کرتا ہے۔

چہرے کی جلد کو نکھارتا ہے

زیرے کا پانی کیلشیم، پوٹاشیم، مینگنیز اور سیلینیم جیسے معدنیات سے بھرپور ہوتا ہے جو جلد کو نکھارنے میں مدد کرتے ہیں۔ اس میں وافر مقدار میں وٹامن ای بھی پایا جاتا ہے جس میں اینٹی آکسیڈنٹ خصوصیات ہوتی ہیں جو قبل از وقت بڑھاپے کو روکتی ہیں۔

بالوں کو صحت مند رکھتا ہے

زیرے میں پروٹین اور کاربوہائیڈریٹس ہوتے ہیں جو بالوں کی نشوونما اور انہیں جڑوں سے دوبارہ اگنے میں مدد دیتے ہیں۔ اس سے بالوں کے گرنے میں کمی بھی ہوتی ہے۔ اسے اپنے بالوں پر لگانے سے بالوں میں خوبصورتی آتی ہے۔

صحت مند دل کیلئے مفید ہے

زیرے میں ایک قدرتی اینٹی آکسائیڈنٹ ہے جونہ صرف دل کی حفاظت میں بلکہ دل کے متعدد مسائل کا علاج کرنے میں بھی بہت مددگار ہے۔ زیرے کا پانی پینے سے دل کے پٹھوں کو مضبوط بنانے، کولیسٹرول کی سطح کو کم کرنے اور لپڈ جمع ہونے سے روکنے میں مدد ملتی ہے۔ ایسا کرنے سے ہارٹ بلاکس، ہارٹ اٹیک اور بلڈ کلاٹس کا خطرہ کافی حد تک کم ہوجاتا ہے۔

ذیابیطس اور بلڈ شوگر لیول کو کنٹرول کرتا ہے

زیرے کا پانی پینے سے جسم میں انسولین کی پیداوار میں تیزی آتی ہے۔ یہ ذیابیطس والے افراد کے لیے مددگار ثابت ہوتا ہے کیونکہ یہ بلڈ شوگر لیول کو کنٹرول میں رکھتا ہے۔ ہر کھانے کے 30 منٹ بعد زیرے کا پانی پینا بلڈ شوگر لیول کو کنٹرول میں رکھنے میں انتہائی موثر ثابت ہوتا ہے۔

امریکا سے تعلق رکھنے والے ایک 14 سالہ بچے نے ایسا صابن تیار کیا ہے جو جِلد کے کینسر کے علاج میں مددگار ثابت ہو سکتا ہے۔

 14 سالہ لڑکے ہیمن بیکلے نے یہ صابن تیار کرکے امریکا کے ٹاپ نوجوان سائنسدان کا ایوارڈ بھی اپنے نام کرلیا ہے۔

جِلد کا کینسر دنیا بھر میں بہت عام ہے اور صرف امریکا میں ہر سال ایک لاکھ افراد میں اس کی تشخیص ہوتی ہے  جبکہ 8 ہزار مریض ہلاک ہو جاتے ہیں۔

ریاست ورجینیا کے علاقے Annandale سے تعلق رکھنے والے 9 ویں جماعت کے طالبعلم نے 3 ایم ینگ Scientist چیلنج میں اپنے صابن کو جمع کراتے ہوئے ایک ویڈیو میں کہا کہ ایک صابن سے کینسر کا علاج ممکن ہو سکتا ہے۔

اس نے مزید کہا کہ ‘میں ہمیشہ سے بائیولوجی اور ٹیکنالوجی میں دلچسپی رکھتا ہوں اور اس مقابلے سے مجھے اپنے خیالات کے اظہار کا بہترین موقع ملا ہے’۔

یہ صابن ایسے اجزا سے تیار کیا گیا ہے جو انسانی جِلد میں ایسے خلیات کو متحرک کر تے ہیں جو کینسر سے متاثر خلیات کا مقابلہ کرتے ہیں۔

ہیمن بیکلے 4 سال کی عمر میں افریقی ملک ایتھوپیا میں مقیم تھے، جہاں لوگ سورج کی تیز روشنی میں کام کرتے ہیں اور وہاں جِلد کا کینسر کافی عام ہے۔

ایوارڈجیتنے کے بعد ہیمن بیکلے نے کہا کہ اسے توقع ہے کہ یہ صابن امید کی علامت بن جائے گا اور ہر فرد کے لیے جِلد کے کینسر کا علاج ممکن ہو جائے گا۔