پی ٹی آئی نے چیف جسٹس سے بڑامطالبہ کردیا

اسلام آباد(این این آئی) چیئرمین پی ٹی آئی کے خلاف سائفر کیس کی اڈیالہ جیل میں سماعت کے معاملہ پرتحریک انصاف نے کہا ہے کہ جیل ٹرائل کیلئے وزارتِ قانون کا نوٹیفکیشن فیئر ٹرائل کی خلاف ورزی ہے۔
ترجمان پی ٹی آئی کے مطابق سائفر مقدمے کو خاص طرز پرچلانے کی کوشش کی جا رہی ہے، دستور کا آرٹیکل 10ـاے ہر شہری کو منصفانہ سماعت کا حق دیتا ہے۔ترجمان نے کہا کہ سائفر مقدمے میں بھی طے شدہ فیصلے کے مطابق ٹرائل آگے بڑھایا جا رہا ہے۔
ترجمان کے مطابق چیئرمین اوروائس چیئرمین کے خلاف مقدمے کی کھلی عدالت میں سماعت کی جائے۔
پارٹی ترجمان نے چیف جسٹس پاکستان سے مطالبہ کیا کہ چیئرمین پی ٹی آئی کو سیاسی انتقام کا نشانہ بنانے کا نوٹس لیا جائے۔