علی ظفر نے شائقین کرکٹ کے ساتھ کیا گیا وعدہ پورا کر دیا

پاکستان کے مایہ ناز گلوکار علی ظفر نے کرکٹ ورلڈ کپ کے لیے خصوصی ترانہ جاری کرتے ہوئے شائقین کے ساتھ کیا گیا وعدہ پورا کر دیا ہے۔
’مزہ آیا‘ کے عنوان سے جاری ترانے کا ایک کلپ گلوکار کی جانب سے سماجی رابطے کی ویب سائٹ ایکس پر شیئر کیا گیا ہے۔
علی ظفر نے اپنے ترانے کی مکمل ویڈیو اپنے یوٹیوب چینل پر اپ لوڈ کی ہے جسے ہزاروں شائقین دیکھ چکے ہیں اور پسند کیا جا رہا ہے۔
علی ظفر کا یہ اعزاز ہے کہ اس ترانے کے ہدایتکار، کمپوزر اور پروڈیوسر بھی وہ خود ہی ہیں جبکہ میوزک پروڈکشن کی ذمہ داری علی مصطفیٰ نے نبھائی ہے۔
علی ظفر کی جانب سے جاری کیے گئے ترانے کو شائقین کرکٹ کی جانب سے بے حد پسند کیا جارہا ہے اور اس پر تبصرے بھی کیے جا رہے ہیں۔