اسرائیل اور فلسطین کی مزاحمتی تنظیم حماس کے درمیان کشیدگی کے بعد غزہ پر اسرائیلی فوج کی بمباری کا سلسلہ بدستور جاری ہے۔
اسرائیل کی جانب سے غزہ پر بمباری کے نتیجے میں فلسطین کی معروف شاعرہ، مصنفہ و ناول نگار حباابوندا بھی شہید ہو گئیں۔
غیرملکی میڈیا رپورٹس کے مطابق فلسطینی شاعرہ نے اپنی شہادت سے ایک روز قبل سوشل میڈیا پر لکھا تھا ”اگر ہم مرجائیں تو جان لیں کہ ہم ثابت قدم ہیں اور ہم سچے ہیں‘‘۔
حبا کو اپنے ناول ’’آکسیجن ازناٹ فاردی ڈیڈ‘‘سے شہرت ملی تھی، انہوں نے سوشل میڈیا پر جاری کی گئی پوسٹ میں یہ بھی لکھا تھا کہ ہم کس جہنم میں رہ رہے ہیں اور ایسا کب تک چلتا رہے گا۔
