چنئی:پاکستان آئی سی سی کرکٹ ورلڈ کپ کے انتہائی اہم میچ میں آج جنوبی افریقہ کے خلاف میدان میں اترے گا۔ یہ میگا ایونٹ کا 26واں میچ ہوگا جو دن 1 بجکر 30 منٹ پر شروع ہوگا۔
پاکستان کی ٹیم میگا ایونٹ میں اپنا چھٹا میچ کھیلے گی،پاکستانی ٹیم میں حسن علی کی جگہ وسیم جونیئر اور امام الحق کی جگہ فخر زمان کو موقع دیا جاسکتاہے۔
میگا ایونٹ میں پاکستان اور جنوبی افریقا کی ٹیمیں پانچ ، پانچ میچ کھیل چکی ہیں جن میں پاکستان کی ٹیم دو میچز جیت چکی ہے اور تین میں اس کو شکست کا سامنا کرنا پڑا تھا ۔
جنوبی افریقا کی ٹیم بھی پانچ میچ کھیل چکی ہے اور اس کو چار میچ میں فتح اور ایک میں شکست ہوئی تھی۔
پاکستان کو سیمی فائنل تک رسائی کے لئے جنوبی افریقہ کے خلاف لازمی فتح درکارہے
ون ڈے ورلڈ کپ میں جنوبی افریقہ کی پاکستان کے خلاف آخری جیت 1999 میں ہوئی تھی لیکن اس بار پروٹیز مضبوط فیورٹ ہیں۔
