Tag Archives: بابر اعظم

بابر اعظم کی ایک روزہ کرکٹ میں بادشاہت برقرار

   4  اکتوبر‬‮  2023    |       کھیل   


انٹرنیشنل کرکٹ کونسل (آئی سی سی) نے ایک روزہ انٹرنیشنل کرکٹ کی نئی رینکنگ جاری کر دی ہے جس کے مطابق پاکستان کرکٹ ٹیم کے کپتان بدستور پہلے نمبر پر براجمان ہیں۔

آئی سی سی کی جانب سے جاری کی گئی رینکنگ کے مطابق بابراعظم 898 رینکنگ پوائنٹس کے ساتھ پہلے نمبر پر براجمان ہیں، جبکہ قومی ٹیم کے اوپنر امام الحق کی ایک درجہ تنزلی ہوئی ہے اور وہ 728 پوائنٹس کے ساتھ چھٹی پوزیشن پر چلے گئے ہیں۔

امام الحق سے ایک روزہ کرکٹ میں پانچویں پوزیشن آسٹریلوی اوپنر ڈیوڈ وارنر نے چھینی ہے۔

اس کے علاوہ قومی بیٹر فخر زمان کی بھی ایک درجہ تنزلی ہوئی ہے اور وہ 11ویں نمبر پر چلے گئے ہیں۔

آئی سی سی کی جانب سے جاری کی گئی رینکنگ میں دوسرے نمبر پر بھارتی بیٹر شمبن گل موجود ہیں۔

ورلڈ کپ: نسیم شاہ کی عدم موجودگی قومی ٹیم کے لیے بڑا دھچکا قرار

   4  اکتوبر‬‮  2023    |       کھیل, ورلڈ کپ 2023   


کرکٹ کے عالمی مقابلے کے دوران قومی ٹیم کے فاسٹ بولر نسیم شاہ کی عدم موجودگی کو پاکستان کے لیے بڑا دھچکا قرار دیا جا رہا ہے۔

نیوزی لینڈ کے سابق کرکٹر اسکاٹ اسٹائرس نے ایک ٹی وی پروگرام میں گفتگو کرتے ہوئے کہا ہے کہ پاکستان کو نسیم شاہ کی کمی سوچ سے بھی زیادہ محسوس ہو گی۔

قومی ٹیم کی بیٹنگ لائن کے حوالے سے گفتگو کرتے ہوئے انہوں نے کہاکہ پاکستان کی بیٹنگ کا انحصار کپتان بابر اعظم اور محمد رضوان پر ہو گا کیوں کہ فخر زمان کبھی کبھار پرفارم کرتے ہیں۔

اسکاٹ اسٹائرس نے کہاکہ پاکستانی ٹیم کی میچوں میں فتح کے لیے ضروری ہو گا کہ چوتھے سے چھٹے نمبروں تک بیٹرز بہترین کارکردگی دکھائیں۔

واضح رہے کہ قومی ٹیم کے فاسٹ بولر نسیم شاہ انجرڈ ہونے کے باعث ورلڈکپ سے باہر ہو گئے ہیں اور اس وقت لندن میں زیر علاج ہیں جہاں ان کے کندھے کی سرجری کی گئی ہے۔

آپ کی باڈی لینگویج جارحانہ ہونی چاہیے، شاہد آفریدی کا بابر اعظم کو مشورہ

   2  اکتوبر‬‮  2023    |       کھیل   


قومی کرکٹ ٹیم کے سابق کپتان شاہد آفریدی نے کپتان بابر اعظم کو مشورہ دیا ہے کہ ورلڈ کپ کے دوران آپ کی باڈی لینگویج جارحانہ ہونی چاہیے۔

اپنے ایک بیان میں شاہد آفریدی نے کہاکہ شیڈول میچز کے دوران دبائو سے نمٹنا سب سے اہم ہوتا ہے اور بابر اعظم کو اس پر دھیان دینا ہو گا۔

قومی ٹیم کے سابق چیف سلیکٹر نے کہاکہ اس وقت پوری قوم اپنی ٹیم کی بھرپور سپورٹ کر رہی ہے، موجود ٹیم میں شامل کھلاڑیوں کو بھارت میں کھیلنے کا تجربہ نہیں ہے، انہیں کنڈیشنز سے ہم آہنگ ہونے میں کچھ وقت ضرور لگے گا۔

شاہد آفریدی نے کہاکہ کپتان کو چاہیے کہ اپنے سینیئر کھلاڑیوں کے ساتھ مشاورت کریں اور گرائونڈ پوزیشن پر بات کریں۔

اس کے علاوہ انہوں نے قومی کرکٹ ٹیم کے ڈائریکٹر مکی آرتھر اور چیف سلیکٹر انضمام الحق کو بھی مشورہ دیتے ہوئے کہاکہ اس وقت ٹیم کو آپ کے اعتماد کی ضرورت ہے۔

ہر صورت ورلڈ کپ جیتنا ہے: حریم شاہ کا بابر اعظم سے مطالبہ

   1  اکتوبر‬‮  2023    |       کھیل   


پاکستان کی معروف ٹک ٹاکر حریم شاہ نے قومی کرکٹ ٹیم کے کپتان بابر اعظم سے مطالبہ کیا ہے کہ یہ ورلڈ کپ ہر حال میں جیتنا ہے۔

کپتان بابر اعظم کی جانب سے سماجی رابطے کی ویب سائیٹ ایکس پر شیئر کی گئی ایک تصویر پر حریم شاہ نے لکھا کہ کپتان صاحب! ہر صورت میں ہمیں یہ ورلڈ کپ چاہیے۔

https://twitter.com/_Hareem_Shah/status/1708110402997854564?ref_src=twsrc%5Etfw%7Ctwcamp%5Etweetembed%7Ctwterm%5E1708110402997854564%7Ctwgr%5E38b8b9f1fc9d29fddba2937d1783a57e411f24a8%7Ctwcon%5Es1_&ref_url=https%3A%2F%2Fwww.express.pk%2Fstory%2F2544976%2F24

حریم شاہ کی اس ٹوئٹ کے بعد ایکس پر بحث شروع ہو گئی اور کچھ صارفین نے لکھا کہ یہ تو ایک دھمکی ہے اور ہو سکتا ہے کہ اس وجہ سے قومی ٹیم اچھا کھیل پیش نہ کر سکے۔

واضح رہے کہ آئی سی سی ورلڈ کپ کا آغاز 5 اکتوبر سے بھارت میں ہونے جا رہا ہے، پاکستان اپنا پہلا میچ 6 اکتوبر کو نیدر لینڈ کے خلاف کھیلے گا۔

بابر اعظم بڑا کھلاڑی، سرفراز سے زیادتی ہوئی ہے تو ازالہ کریں گے: ذکا اشرف

   1  اکتوبر‬‮  2023    |       اہم خبریں, کھیل   


لاہور (این این آئی)چیئرمین پاکستان کرکٹ بورڈ (پی سی بی) مینجمنٹ کمیٹی ذکا اشرف نے کہا ہے کہ کوئی شک نہیں بابر اعظم بہت بڑا کھلاڑی ہے، سرفراز احمد سے زیادتی ہوئی ہے تو ازالہ کریں گے۔

ایک انٹرویو کے دوران ذکا اشرف نے کہا کہ ورلڈ کپ 2023 میں ابھی وارم اپ میچ ہوا ہے، پلیئرز ایڈجسٹ ہو رہے ہیں، ٹیم کم بیک کرے گی، ابھی ورلڈ کپ چل رہا ہے، ہماری ساری دعائیں ٹیم کیساتھ ہیں۔انہوں نے کہا کہ مکی آرتھر اور ان کی ٹیم کو میرے آنے سے پہلے رکھا گیا تھا، غیر ملکی کوچز سے معاہدے کی اگر پاسداری نہ کریں تو بورڈ کی بدنامی ہوتی ہے۔

چیئرمین پی سی بی مینجمنٹ کمیٹی نے کہا کہ مکی آرتھر نے وعدہ کیا ہے کہ وہ پوریورلڈ کپ اور دورہ آسٹریلیا میں دستیاب ہوں گے۔ ورلڈ کپ کے بعد تبدیلی ہوگی یا نہیں، اس پر میں ابھی کوئی بات نہیں کروں گا، میگا ایونٹ کے بعد ٹیم کارکردگی کا جائزہ لیں گے اور پھر دیکھیں گے کہ کیا کرنا ہے۔

ذکا اشرف نے کہا کہ بابر اعظم، محمد رضوان اور شاہین آفریدی ٹاپ پلیئرز ہیں جو پاکستان کی خدمت کر رہے ہیں، لیگ کرکٹ کی چمک دمک سے انٹرنیشنل ٹیموں کو مشکلات ہوئی ہیں۔

انہوں نے کہا کہ سینٹرل کنٹریکٹ کی کیٹیگریز کا فیصلہ میں نے نہیں کیا، کرکٹ کے فیصلے کرکٹرز کرتے ہیں، پلیئرز کو زیادہ پیسے اس لیے ہی دیے ہیں کہ وہ پاکستان ٹیم کو ترجیح دیں۔

یہ وقت کبھی نہیں آئے گا، آصف کی بابر پر تنقید پر کپتان کے والد کا ردعمل

   25  ستمبر‬‮  2023    |       کھیل   


لاہور (این این آئی)سابق فاسٹ بولر اور کرکٹر محمد آ صف کی جانب سے قومی ٹیم کے کپتان بابر اعظم پر کی جانے والی تنقید کے بعد والد اعظم صدیقی نے کہاہے کہ یہ وقت کبھی نہیں آئے گا۔

سوشل میڈیا پر دیے گئے بیان میں محمد آصف نے کہا کہ میں نے بابر اعظم کو صرف 2گیندوں کا سامنا کرنے کے بعد ٹرائلز میں منتخب کیا تھا، آپ ان کے والد ( اعظم صدیقی) سے پوچھ سکتے ہیں کہ میں نے بابر کو زیڈ ٹی بی ایل ٹرائلز میں منتخب کیا تھا، بابر ملک کے بہترین بیٹرز میں سے ایک ہیں تاہم وہ ڈاٹ بولز بہت زیادہ کھیلتے ہیں اور رضوان پر پریشر بڑھاتے ہیں، میں آج بھی ٹی 20 کرکٹ میں بابر اعظم کو میڈن اوور کروا سکتا ہوں،

اگر آپ بابر کو اچھی گیندیں کروائیں تو وہ ہٹ نہیں کر سکتا۔اس بیان کے وائرل ہونے کے بعد بابر کے والد نے ایک پوسٹ شیئر کی جس میں درج تھا کہ بابر جب انڈر 16 کا ورلڈ کپ کھیل کہ آیا ڈی پی ایس ماڈل ٹاؤن گراؤنڈ کے ساتھ ایک کلب اسکول آف کرکٹ ہوا کرتا تھا اْس کلب کے ساتھ بابر کے کلب کا میچ ہوا دوسری طرف سے اْس وقت محمد آصف کم بیک کی تیاریاں کر رہے تھے وہ یہ میچ کھیلے بابر اوپن کرتا تھا .

محمد آصف نے اٹیک کیا بابر نے اْس میچ میں 84 کیا اور آصف نے ہی اْسے آؤٹ کیا خیر اننگ ختم ہوئی بابر بڑا دل برداشتہ باہر آیا میرے استفسار پر بتایا کہ آصف بھائی نے بہت بْرا بھلا کہا میں نے اْس کو تسلی دی کہا تم نے بھی تو اْن کو 11 چوکے مارے ہیں خیر بات یہاں ختم ہوئی۔

اعظم صدیقی نے بتایا کہ محترم منصور رانا نے بابر کو زیڈ ٹی بی ایل کی طرف سے کھیلنے میں مدد کی نیشنل اکیڈمی میں بابر کا ٹرائل ہورہا تھا محمد آصف آئے تو ٹرائل شروع بھی نہیں ہوا تھا، اس وقت بابر نے پیڈ کیے ہوئے تھے دیکھ کر کہا اوئے چھوٹو کدھر ؟

بابر نے بتایا آصف بھائی بینک کے ٹرائل ہیں اْسی وقت وہ بینک انتظامیہ کے پاس گئے اور بڑے سخت لہجے میں کہا اس کا کیا ٹرائل لے رہو ہو اس نے مجھے مارمار تھکا دیا تھا ، 11 چوکے مارے ہیں لکھو اس کا نام اور بینک میں رکھو یہ تمھارے بڑے کام آئے گا۔

کپتان کے والد نے بتایا کہ بابر کو 16800 جو پہلی سیلری ملی اس نے بابر کو آگے بڑھنے میں مدد کی، اول تو یہ وقت کبھی نہیں آئے گا اگر آ بھی گیا تو بابر احترام کی وجہ سے ہر صورت آپ کا اوور میڈن کھیل جائے گا آپ کی بر وقت گواہی ہمارے بڑے کام آئی۔ اعظم صدیقی نے اپنی پوسٹ میں لکھا کہ عوام سے درخواست ہے کہ محمد آصف کے بارے میں بابر کے حوالہ سے کوئی الٹی سیدھی بات نہ کریں۔