دنیا کی کسی بھی زبان میں خبریں پڑھنے کے لیے یہاں کلک کریں۔
ورلڈ کپ میں ناقص کارکردگی پر مکی آرتھر، گرانٹ بریڈ برن، مورنی مرکل، اینڈریو پوٹک اور منیجر ریحان الحق کا معاون عملہ شدید تنقید کی زد میں ہے۔
ذرائع کے مطابق مذکورہ کوچنگ سٹاف کو ورلڈ کپ کے بعد عہدے چھوڑنے کو کہا جائے گا۔
پاکستان کی ٹیم نے ورلڈ کپ کے بعد ٹیسٹ سیریز کیلئے آسٹریلیا کا دورہ کرنا او ر اس کے بعد نیوزی لینڈ وائٹ بال سیریز کیلئے روانہ ہوگی۔
ذرائع کا کہنا ہے کہ ان دونوں دوروں کے لئے پاکستان کے پاس ایک نیا کوچنگ اسٹاف اور کپتان ہوگا ۔
پاکستان کرکٹ ٹیم کے سابق کپتان شعیب ملک نے ورلڈ کپ کے دوران قومی ٹیم کو افغانستان سے شکست کی ذمہ داری بابر اعظم پر عائد کی ہے۔
شعیب ملک نے سابق کرکٹرز وسیم اکرم اور مصباح الحق کے ساتھ ایک نجی ٹی وی کے شو میں گفتگو کی اور اس دوران ٹیم سے سخت ناراضی کا اظہار کیا گیا۔
اس موقع پر وسیم اکرم نے کہا کہ کسی بھی ایک شخص پر شکست کی ذمہ داری عائد نہیں کی جا سکتی، قومی ٹیم کی شکست میں چیئرمین پی سی بی، کوچز، چیف سلیکٹر، ڈائریکٹر اور کپتان سب کا قصور ہے۔
اس موقع پر شعیب ملک نے کہا کہ بابر اعظم ایک اچھے بیٹر ضرور ہیں لیکن اچھے کپتان نہیں، افغانستان سے میچ میں شکست کی ذمہ داری اُنہی پر عائد ہوتی ہے۔
قومی کرکٹ ٹیم کے آل راؤنڈر عماد وسیم نے کپتان بابر اعظم سے اختلاف سے متعلق خبروں پر خاموشی توڑ دی ہے۔
عماد وسیم ایک نجی ٹی وی کے شو میں شریک ہوئے جہاں ان سے بابراعظم سے اختلاف سے متعلق سوال کیا گیا جس کے جواب میں انہوں نے کہاکہ سوال تو پیچیدہ ہے مگر اس میں کوئی صداقت نہیں ہے، کیوں کہ ہمارے درمیان کوئی دشمنی نہیں ہے۔
واضح رہے کہ چند ماہ قبل عماد وسیم نے کرکٹ پاکستان کو انٹرویو دیتے ہوئے کہا تھا کہ جب انسان ملک کے لیے کھیلتا ہے تو پھر ساری باتوں کو ایک طرف کر دیا جاتا ہے۔
انہوں نے وضاحت کرتے ہوئے کہا تھا کہ میرا کپتان بابراعظم کے ساتھ احترام کا رشتہ ہے۔
لاہور(آن لائن) احمد آباد میں ہفتہ کو آئی سی سی مینز ورلڈ کپ 2023 کے میچ میں پاکستان کو بھارت کے ہاتھوں سات وکٹوں سے عبرتناک شکست کا سامنا کرنا پڑا۔ اس شکست نے پاکستان کے سابق کپتان شعیب ملک کو موجودہ کپتان بابر اعظم پر ان کی قائدانہ صلاحیتوں کے حوالے سے تنقید کا نشانہ بنایا۔ ایک مقامی اسپورٹس چینل پر بات کرتے ہوئے ملک نے بابر کی بطور کپتان تخلیقی سوچ کی صلاحیت پر سوال اٹھایا۔
انہوں نے مشورہ دیا کہ کپتانی چھوڑنے سے بابر کو اپنی بیٹنگ پر توجہ دینے اور ٹیم میں زیادہ موثر طریقے سے حصہ ڈالنے میں مدد مل سکتی ہے۔ شعیب ملک نے کہا کہ میں نے ماضی میں بھی رائے دی تھی کہ بابر اعظم کو کپتانی چھوڑ دینی چاہیے، یہ میری ذاتی رائے ہے، بابر بطور کپتان آوٹ آف دی باکس نہیں سوچتے، وہ کپتانی کر رہے ہیں لیکن بہتری نہیں آ رہی، وہ ایک کھلاڑی کے طور پر پاکستان کے لیے کمال کر سکتے ہیں۔ تاہم شعیب ملک کے تبصروں کو پاکستان کرکٹ کے عظیم بیٹر محمد یوسف کی طرف سے سخت مخالفت کا سامنا کرنا پڑا جن کا ماننا تھا کہ اس طرح کے تبصرے خاص طور پر ورلڈ کپ کے دوران ٹیم کے موجودہ دباو کے پیش نظر غلط وقت پر تھے۔
انہوں نے اس بات پر زور دیا کہ بابر کے ساتھ بطور کپتان قائم رہنا اہم ہے، جو سابق کپتان عمران خان کی کامیاب قیادت کے متوازی ہے۔محمد یوسف نے کہا کہ “ورلڈ کپ کے دوران مجھے نہیں لگتا کہ کسی کو اس بارے میں بات کرنی چاہیے۔ دوسری بات یہ کہ عمران خان نے 1983 اور 1987 میں کپتانی کی اور 1992 میں تیسری کوشش میں ورلڈ کپ جیتنے سے قبل وہ بھی ناکام ہوئے تھے۔ کسی بھی اچھے کھلاڑی کو طویل عرصے تک کپتان رہنے کی اجازت ہونی چاہیے۔ وہ اپنی صلاحیتوں کے باعث کپتان بنے اس لیے نہیں کہ ان کا تعلق پی سی بی چیئرمین سے ہے، وہ ایک حقیقی کپتان ہے۔49 سالہ سابق کپتان نے نہ صرف شعیب ملک کی سرزنش کی بلکہ لیجنڈری کرکٹر وسیم اکرم کے ساتھ بھی معاملہ اٹھایا جو ڈسکشن پینل کا حصہ تھے۔
انہوں نے کہا کہ ” بابر کے بارے میں اس انداز میں بات کرنا پاکستان اور اس کے لیے خاص طور پر بھارت کے خلاف ہارنے والے شدید دباو کے درمیان نقصان ہے۔ میں حیران ہوں کہ وہاں بیٹھے وسیم اکرم نے بھی انہیں نہیں روکا۔ محمد یوسف کی تنقید کا جواب دیتے ہوئے شعیب ملک نے اس بات کو تسلیم کیا کہ وہ یوسف کے لیے ایک ساتھی کھلاڑی کے طور پر احترام کرتے ہیں۔
تاہم، جب سوال پوچھا گیا تو وہ اپنی رائے کے اظہار کے اپنے حق پر مضبوطی سے کھڑے رہے۔ شعیب ملک نے بھی یوسف کی طرف محبت کا اظہار کیا۔ انہوں نے کہا کہ یوسف بھائی کے ساتھ میرا بہت اچھا وقت گزرا، میں ان کی بہت عزت کرتا ہوں، تاہم یہ میرا نقطہ نظر تھا، یہ میرا حق ہے کہ اگر کوئی مجھ سے سوال کرے تو میں اس کا جواب ضرور دوں گا۔ اگر آپ کو سوال سمجھ میں آیا اور میرا جواب سمجھ آیا تو کسی چینل پر بات کرنے کی ضرورت نہیں پڑے گی۔ یوسف بھائی، میں آپ سے پیار کرتا ہوں “۔#/s#
پاکستان کرکٹ ٹیم بھارت کے شہر احمدآباد سے بنگلورو پہنچ گئی ہے۔
قومی ٹیم کپتان بابراعظم کی قیادت میں خصوصی طیارے کے ذریعے بنگلورو پہنچی ہے۔
قومی کرکٹ ٹیم اپنا اگلا میچ 20 اکتوبر کو آسٹریلیا کے خلاف کھیلے گی جو بھارتی شہر بنگلورو میں ہو گا۔
پاکستان کرکٹ ٹیم نے ورلڈ کپ میں اب تک 3 میچ کھیلے ہیں جن میں سے 2 میں فتح حاصل کی ہے جبکہ ایک میچ میں بھارت سے شکست کا سامنا کرنا پڑا ہے۔
واضح رہے کہ 14 اکتوبر کو احمدآباد میں بھارت کے خلاف ہونے والے میچ میں قومی کرکٹ ٹیم کو بھارت سے شکست کا سامنا کرنا پڑا تھا۔
قومی کرکٹ ٹیم کے سابق کپتان شعیب ملک نے بابر اعظم سے مطالبہ کیا ہے کہ وہ ٹیم کی کپتانی سے دستبردار ہو جائیں۔
نجی ٹی وی سے گفتگو کرتے ہوئے شعیب ملک نے بابراعظم کو ٹیم میں بطور بیٹر کھیلنے کا مشورہ دیتے ہوئے کہا ہے کہ آپ کی کپتانی میں بہتری نہیں آ رہی۔
اس کے علاوہ سابق کپتان اظہر علی نے بھارت کے خلاف میچ کے دوران مڈل اوورز میں سلو بیٹنگ پر بابر اعظم اور محمد رضوان کو تنقید کا نشانہ بنایا ہے۔
اظہر علی نے کہا کہ بابراعظم اور اور محمد رضوان نے دفاعی انداز اپنایا حالانکہ اس وقت ٹیم کو فائٹ کرنے کی ضرورت تھی۔
سابق کپتان نے کہا کہ بابر اعظم اور محمد رضوان کی جانب سے دفاعی انداز اپنانے پر بھارتی بولرز کو موقع مل گیا کہ وہ کم بیک کریں۔
واضح رہے کہ ورلڈ کپ کے دوران بھارت کے خلاف میچ میں پاکستان کو 7 وکٹوں سے شکست کا سامنا کرنا پڑا تھا۔
قومی کرکٹ ٹیم کے کپتان بابر اعظم کو بھارتی بیٹر ویرات کوہلی نے اپنی شرٹس تحفے میں دی ہیں جس کی ویڈیو وائرل ہو گئی ہے۔
بابراعظم کی ویرات کوہلی سے شرٹس لینے کی ویڈیو وائرل ہوتے ہی سوشل میڈیا پر پاکستانی شائقین نے انہیں شدید تنقید کا نشانہ بنایا۔
قومی کرکٹ ٹیم کے کپتان کو ویرات کوہلی کی جانب سے یہ جرسیاں میچ کے بعد تحفے میں دی گئی ہیں۔
قومی کرکٹ ٹیم کے سابق کپتان وسیم اکرم نے بھی بابر اعظم کی جانب سے جرسیاں لینے کو نامناسب عمل قرار دے دیا۔
نجی ٹی وی کے پروگرام میں گفتگو کرتے ہوئے وسیم اکرم نے کہا کہ بابر اعظم کی جانب سے ویرات کوہلی سے جرسیاں لینے کی تصویر دیکھی تو میں افسردہ ہو گیا۔
سوئنگ کے سلطان نے مزید کہا کہ آج یہ دن نہیں تھا کہ آپ مخالف ٹیم کے کھلاڑی سے جرسیاں تحفے میں لیتے۔
انہوں نے مزید کہا کہ اگر چاچے کے پتر نے کوہلی کی ٹی شرٹ لانے کا کہہ ہی دیا ہے تو میچ کے بعد ڈریسنگ روم میں بھی یہ کیا جا سکتا تھا۔
اس کے علاوہ سوشل میڈیا صارفین نے تبصرے کرتے ہوئے بابر اعظم پر غصے کا اظہار کیا ہے۔
کرکٹ ورلڈ کپ 2023 کے سب سے بڑے مقابلے میں بھارت نے پاکستان کو آسانی سے شکست دے کر ورلڈ کپ میچز میں پاکستان کے خلاف ناقابل شکست رہنے کااعزاز برقرار رکھا ، پاکستانی بیٹنگ لائن روایتی حریف بھارت کے خلاف بری طرح ناکام رہی، پاکستان نے بھار ت کو جیت کے لئے 192 رنز کاہدف دیا جو بھارت نے 30 اوورز میں 3 وکٹوں کے نقصان پر پورا کرلیا ،
آسان ہدف کے تعاقب میں بھارت نے جارحانہ بلے بازی کامظاہرہ کیا۔
اگرچہ بھارتی اوپنر شبمن گل 16 رنز بناکرجلدی آئوٹ ہو گئے ویرات کوہلی نے بھی 16 رنز بنائے اورحسن علی کی گیند پر محمد نواز کے ہاتھوں کیچ آئوٹ ہوگئے تاہم دوسری طرف سے روہت شرما نے تیز بلے بازی جاری رکھی۔
بھارتی کپتان روہت شرما 63 گیندوں پر86 رنز کی شاندار اننگز کھیل کرآئوٹ ہوئے، شرما کی اننگز میں میں 6 چوکے اور 6 چھکے شامل تھے ۔
شہریاس نے بھی عمدہ بلے بازی کامظاہرہ کرتے ہوئے نصف سنچری بنائی۔ شہریاس نے 62 گیندوں پر53 رنز بنائے اور آئوٹ نہیں ہوئے جبکہ کے ایل راہول بھی 13 رنز بناکر ناٹ آئوٹ رہے۔
بھارت کی طرف سے شاندار بائولنگ کرنے والے جسپریت بمراہ کو میچ کا بہترین کھلاڑی قرار دیاگیا۔
بھارتی شہر احمد آباد کے نریندرا مودی سٹیڈیم میں کھیلے جانے والے میچ میں
بھارت کے کپتان روہت شرما نے ٹاس جیت کر پہلے فیلڈنگ کافیصلہ کیا۔ پاکستان کی طرف سے عبداللہ شفیق اور امام الحق نے اننگزکامحتاط طریقے سے آغاز کیا تاہم 41 کے سکور پرعبداللہ شفیق آئوٹ ہوگئے۔ امام الحق اور بابراعظم نے سکور کچھ آگے بڑھایا مگرجب پاکستان کاسکور 73 پر پہنچا تو امام الحق بھی 38 رنز بناکر پویلین لوٹ گئے، محمد رضوان اور بابراعظم نے تیسری وکٹ کی شراکت میں سکور155 رنز تک پہنچایا اور اس موقع پر بابراعظم 50 رنز بنانے کے بعد سراج کی خوبصورت گیند پربولڈ ہوگئے۔
155 رنز پرپاکستان کی تیسری وکٹ کیا گری کے اگلے36 رنز پرپوری ٹیم ہی پویلین لوٹ گئی۔
سعود شکیل 6،رضوان 49،افتخار احمد 4، شاداب خان 2 اورمحمد نواز4 رنز بناسکے۔ حسن علی 12 اورحارث رئوف 2 رنز بناکر آئوٹ ہوئے تو 191 رنز پرپاکستانی اننگز تمام ہوچکی تھی۔ پاکستانی ٹیم 50 اوورز بھی پورے نہ کھیل سکی اور43 ویں اوور میں ہی آئوٹ ہوگئی ۔
قومی کرکٹ ٹیم کے کپتان بابراعظم کی بیٹنگ کی تعریفیں جہاں دنیا بھر میں کی جاتی ہیں وہیں بھارتی کرکٹ ٹیم کے اسپنر کلدیپ یادیو نے بھی کپتان کی بیٹنگ کی تعریف کر دی ہے۔
اپنے ایک انٹرویو میں کلدیپ یادیو نے کہا ہے کہ بابر اعظم سکون سے بیٹنگ کرتے ہیں جو مجھے بہت پسند ہے۔
انہوں نے کہا کہ بابراعظم بیک فٹ کے شاندار پلیئر ہیں، وہ فاسٹ بولرز کو بہت اچھا کھیلتے ہیں۔
کلدیپ یادیو نے کہا کہ اس میں کوئی شک نہیں کہ بابر اعظم ایک بہترین کھلاڑی ہیں اور ان کی اپنی ایک کلاس ہے۔
پاک بھارت ٹاکرے سے متعلق ان کا کہنا تھا کہ میں بابراعظم کے خلاف میچ کھیلنے کے لیے پُرجوش ہوں۔
قومی کرکٹ ٹیم کے سابق کپتان شاہد آفریدی نے پاک بھارت ٹاکرے سے قبل قومی کپتان بابر اعظم سے امیدیں وابستہ کر لی ہیں۔
نجی ٹی وی چینل کو دیئے گئے انٹرویو میں شاہد آفریدی نے کہا کہ سری لنکا کے خلاف میچ میں جیت پر میں نے بابر اعظم کو مبارکباد دی ہے اور اعتماد دیا ہے کہ وہ میچ ونر کھلاڑی ہیں۔
شاہد آفریدی نے کہاکہ قومی کپتان بابراعظم آئندہ آنے والے میچوں میں ضرور پرفارم کریں گے۔
سابق کپتان نے کہاکہ سری لنکا کے خلاف میچ میں قسمت نے ان کا ساتھ نہیں دیا لیکن بابر اعظم ورلڈ کپ کے بڑے میچوں میں پاکستان کے لیے سینچری بنائے گا۔
واضح رہے کہ قومی کرکٹ ٹیم 14 اکتوبر کو احمدآباد کے نریندرامودی کرکٹ اسٹیڈیم میں بھارتی سورمائوں کا سامنا کرے گی۔
اسلام آباد (این این آئی) قومی کرکٹ ٹیم کے کپتان بابر اعظم کے دلچسپ پنجابی جملوں کی ویڈیو وائرل ہوگئی۔
حال ہی میں ایک بھارتی پنجابی سوشل میڈیا انفلوئنسر کے ساتھ بھی بابراعظم کی ویڈیو وائرل ہورہی ہے جس میں انفلوئنسر کپتان کے ساتھ پنجابی میں دلچسپ اور مزاحیہ جملے بول رہے ہیں۔
سوشل میڈیا پر وائرل ویڈیو کو صارفین کی جانب سے خوب پسند کیا گیا۔
واضح رہے قومی کرکٹ ٹیم ورلڈکپ کیلئے بھارت میں موجود ہے جہاں ٹیم اپنا پہلا میچ نیدرلینڈز کے خلاف کھیلے گی۔
کراچی (این این آئی) پاکستان کرکٹ ٹیم کے سابق کپتان شعیب ملک نے کہا ہے کہ ورلڈکپ 2023 کیلئے بابر اعظم کو اعتماد دینے کی ضرورت ہے۔
میڈیا سے گفتگو میں شعیب ملک نے کہا کہ پاکستان کرکٹ بورڈ (پی سی بی) نے نوجوان کھلاڑیوں کو پروموٹ کرنے کیلئے سندھ پریمیئر لیگ کو این او سی دیا ہے۔
انہوں نے کہا کہ شاہین شاہ آفریدی، حارث رئوف اور نسیم شاہ کی بولنگ جوڑی بن گئی تھی، بدقسمتی سے اب نسیم شاہ اسکواڈ کا حصہ نہیں ہیں۔
سابق کپتان نے کہاکہ مینجمنٹ کو دیگر بولرز کو بھی موقع دینا چاہیے تھا تاکہ ایڈجسٹ ہو جاتے، ہم سب کی امیدیں پاکستان ٹیم کے ساتھ جڑی ہوئی ہیں۔
انہوں نے کہاکہ کپتان بابر اعظم کو اعتماد دینے کی ضرورت ہے، پوری قوم یہی دعا کر رہی ہے کہ پاکستان اچھی کار کردگی دکھائے۔
