قومی کرکٹرکے فاسٹ بولر شاہین شاہ آفریدی نے اہم ریکارڈ اپنے نام کرلیا۔

شاہین آفریدی تیز ترین 100 وکٹیں لینے والے بولرزکی فہرست میں شامل ہوگئے ہیں۔

شاہین نے 51 میچز میں 100 ون ڈے وکٹیں مکمل کیں جب کہ  آسٹریلیا کے مچل اسٹارک نے 52 میچز میں 100 وکٹیں مکمل کی تھیں۔

شاہین آفریدی 100 وکٹیں لینے والے تیز ترین پاکستانی بھی بن گئے ہیں، انہوں نے یہ اعزاز ورلڈ کپ میں بنگلادیش کے خلاف میچ میں حاصل کیا جس میں انہوں نے اپنے پہلے ہی اوور میں بنگلادیشی اوپنر تنزید حسن کو صفر پر آؤٹ کیا۔

ثقلین مشتاق نے یہ سنگ میل 53 ون ڈے میچز میں عبور کیا تھا، نیپال کے سندیپ لمیچانے نے 42 اور افغانستان کے راشد نے 44 میچز میں یہ کارنامہ انجام دیا تھا، مجموعی طور پر شاہین تیز ترین 100 وکٹیں لینے والے تیسرے بولر ہیں۔

پاکستان آسٹریلیا سے ورلڈ کپ کااہم میچ تو نہیں جیت سکا البتہ فاسٹ بولر شاہین آفریدی نے دو نئے ریکارڈ اپنے نام کر لئے ہیں۔
فاسٹ بولر شاہین شاہ آفریدی نے آسٹریلیا کے خلاف 10 اوورز میں 54 رنز دے کر5 وکٹیں حاصل کیں اس طرح وہ اس ورلڈ کپ میں سب سے کم رنز دے کر 5 وکٹیں حاصل کرنے والے پہلے بولر بن گئے ہیں اس سے قبل نیوزی لینڈ کے اسپنر مچ سینٹنر نے بھی ہالینڈ کے خلاف پانچ وکٹیں حاصل کیں تاہم انہوں نے 59 رنز دیے تھے۔
یہ دوسرا موقع ہے جب شاہین آفریدی نے ورلڈ کپ میں پانچ وکٹیں حاصل کیں اس طرح انہوں نے اپنے سسر شاہد آفریدی کا ورلڈ کپ میں دو مرتبہ پانچ وکٹیں لینے کاا ریکارڈ بھی برابر کردیاہے
بنگلور میں آسٹریلیا کے خلاف میچ میں کینگروز کے اوپنرز ڈیوڈ وارنر اور مچل مارش نے سنچریوں کی بدولت 259 رنز کی شراکت قائم کی لیکن پاکستان نے اختتامی اوورز میں شاہین شاہ آفریدی کی عمدہ باؤلنگ کی بدولت میچ میں واپسی کی۔
شاہین شاہ آفریدی نے اس سے قبل 2019 ورلڈ کپ میں بنگلہ دیش کے خلاف35 رنز دے کر6 وکٹیں حاصل کی تھیں اور ورلڈ کپ کی ایک اننگز میں پانچ وکٹیں لینے والے سب سے کم عمر باؤلر بن گئے تھے۔

ورلڈکپ 2023 میں پاکستان اور آسٹریلیا کے اہم میچ سے قبل شائقین کرکٹ کیلئےاچھی خبرآگئی، قومی کرکٹ ٹیم تین کھلاڑی صحت مند ہوگئے۔
پاکستان کرکٹ بورڈ حکام کا کہنا ہے کہ شاہین شاہ آفریدی ، عبد اللہ شفیق اور زمان خان تینوں صحت یاب اور زمان خان فٹ ہوگئےہیں۔ گزشتہ روزپریکٹس سیشن میں سلیمان علی آغاز آئے تھے تاہم انہیں پھربخارہوگیاامکان ظاہرکیاجا رہاہےکہ وہ آسٹریلیا کیخلاف میچ میں دستیاب نہیں ہو سکیں گے۔ اس کے علاوہ قومی ٹیم کے اوپنر فخرزمان کا بھی آج ٹیسٹ ہوا ہے انہیں ایک ہفتے کا مزیدآرام کرنےمشورہ دیا گیا ہے،وہ آسٹریلیا اور افغانستان ٹیم کیساتھ میچ میں دستیاب نہیں ہونگے