ورلڈ کپ مقابلوں میں بھارت کے خلاف شاندار ریکارڈ رکھنے والی نیوزی لینڈ کی ٹیم آج ایک اور فتح کے لئے پرعزم ہے جبکہ بھارت 20 سال میں پہلی فتح کی تلاش میں ہے۔

بھارت میں جاری آئی سی سی ورلڈ کپ 2023 کے 21ویں میچ میں میگاایونٹ کی اب تک ناقابل شکست رہنے والی دونوں ٹیمیں بھارت اور نیوزی لینڈ مدمقابل ہیں۔

نیوزی لینڈ کی ٹیم ورلڈ کپ مقابلوں میں بھارت کے خلاف شاندار ریکارڈ رکھتی ہے اور گزشتہ سال میں بھارت نیوزی لینڈ کے خلاف فتح حاصل نہیں کرسکا۔ 2019 کے ورلڈ کپ میں بھی نیوزی لینڈ نے ہی بھارت کو شکست دے کر فائنل کی دوڑ سے آئوٹ کیا تھا۔

ورلڈ کپ میں دونوں ٹیمیں گزشتہ چار بار جب بھی آمنے سامنے آئیں تو جیت نیوزی لینڈ کے نام رہی۔ ہندوستان نے 2003 کے ورلڈکپ میں آخری بار کیویز کو شکست دی تھی۔1992 سے ورلڈ کپ مقابلوں میں بھارت نیوزی لینڈ سے صرف ایک بار جیت سکا۔

ویرات کوہلی نے میچ سے قبل اسٹار سپورٹس کوایک انٹرویو میں کہا تھا کہ نیوزی لینڈایک بہت ہی پروفیشنل سائیڈ ہے  ان کا کرکٹ کھیلنے کا بہت ہی منظم انداز ہے یہی ان کی مسلسل کامیابی کی وجہ ہے۔ وہ بہت مستقل مزاج ہیں۔

نیوزی لینڈ نے دفاعی عالمی چیمپئن انگلینڈ کو شکست دے کر بھارت میں اپنی مہم کا آغاز کیا۔ اس کے بعد کیویز نے نیدرلینڈز (99 رنز سے) اور بنگلہ دیش (آٹھ وکٹوں سے) کو شکست دی اور افغانستان کو 149 رنز سے شکست دی۔ دوسری جانب بھارت نے پانچ مرتبہ کے چیمپئن آسٹریلیا کو 6 وکٹوں سے، روایتی حریف پاکستان کو 7 وکٹوں سے،افغانستان کو 69 رنز اور بنگلہ دیش کو سات وکٹوں سے شکست دی ۔

ورلڈکپ2023 کے 16 ویں میچ میں نیوزی لینڈ نے افغانستان کو149 رنز سے شکست دے کر ایونٹ میں مسلسل چوتھی فتح اپنے نام کرلی۔
نیوزی لینڈ کے  289 رنز کے ہدف کے تعاقب میں افغانستان کی پوری ٹیم 35 ویں اوور میں 139 رنز پر آؤٹ ہوگئی۔رحمت شاہ 36 اور عظمت اللہ عمرزائی 27 رنز کے ساتھ ٹاپ اسکورر رہے۔

After the high of the England win, Afghanistan are brought crashing back down to earth with a disappointing day in the field 😔#NZvAFG | #CWC23 pic.twitter.com/HtKKN6T2Gj

— ESPNcricinfo (@ESPNcricinfo) October 18, 2023

اوپنر ڈیوون کانوے کو مجیب الرحمٰن نے 20 رنز پر پویلین بھیجا، وِل ینگ 54 اور رچن رویندرا 32 رنز بناکر عظمت اللہ عمر زئی کا شکار ہوئے جبکہ ڈیرل مچل کو راشد خان نے ایک رن پر آؤٹ کیا۔
4 وکٹیں گرنے کے بعد کپتان ٹام لیتھم اور گلین فلپس نے ذمہ درانہ بیٹنگ کی اور ٹیم کو سنبھالا، دونوں کے درمیان 144 رنز کی شاندار شراکت داری قائم ہوئی، دونوں بیٹرز نے نصف سنچریاں بھی اسکور کیں۔

He came in with New Zealand wobbling at 110/4 and hit 71 to guide the Blackcaps out of Afghanistan's reach 💪

Glenn Phillips is the Player of the Match in Chennai 🏅#NZvAFG #CWC23 pic.twitter.com/Fo2KLvV7DJ

— ESPNcricinfo (@ESPNcricinfo) October 18, 2023

تاہم پھر ٹام لیتھم 68 اور گلین فلپس 71 رنز بناکر آؤٹ ہوئے۔اختتامی اوورز میں چیپمین نے ناقابل شکست 25 اور سینٹنر نے 7 رنز اسکور کیے، یوں کیویز کا اسکور مقررہ 50 اوورز میں 6 وکٹوں کے نقصان پر 288 رنز تک پہنچا۔
افغانستان کی جانب سے نوین الحق اور عظمت اللہ نے 2،2 وکٹیں حاصل کیں جبکہ راشد خان اور مجیب الرحمان نے ایک ایک وکٹ حاصل کی۔

قومی کرکٹ ٹیم کے نائب کپتان شاداب خان نے کہا ہے کہ نیوزی لینڈ اور آسٹریلیا کے خلاف وارم اپ میچوں کے دوران ٹیم کو اعتماد ملا ہے، ہم نے اچھا کھیل پیش کیا مگر نتیجہ ہمارے ہاتھ میں نہیں تھا۔

قومی آل راؤنڈر نے گفتگو کے دوران مزاحیہ انداز میں کہاکہ ہم روزانہ حیدرآبادی بریانی کھا رہے ہیں اور شاید اسی وجہ سے فیلڈ میں سست بھی ہو گئے ہیں۔

شاداب خان کا کہنا تھا کہ آسٹریلیا اور نیوزی لینڈ جیسی ٹیموں کے خلاف میچ کھیلتے ہوئے ہمیں اعتماد ملتا ہے، بھارت میں کھیلتے ہوئے حالات کا کچھ تجربہ ہوا ہے۔

واضح رہے کہ قومی کرکٹ ٹیم کو ورلڈ کپ سے قب دونوں وارم اپ میچوں میں شکست کا سامنا کرنا پڑا ہے۔ پاکستانی ٹیم ایونٹ کا پہلا میچ 6 اکتوبر کو نیدرلینڈ کے خلاف کھیلے گی۔