بھارت نے چیمپئنز ٹرافی 2025 کا پاکستان میں انعقاد روکنے کے لئے پروپیگنڈا شروع کردیا۔
یہ پہلا موقع نہیں جب بھارت نے پاکستان میں بین الاقوامی کرکٹ مقابلوں کی راہ میں رکاوٹ ڈالنے کی کوشش کی ہو، بھارت ہمیشہ سے پاکستان دشمنی میں کھیلوں پر بھی اثر انداز ہوتارہاہے۔
رواں برس بھارت نے اپنی ٹیم ایشیا کپ کیلیے پاکستان بھیجنے سے صاف انکار کردیا تھا جس پرایشیا کپ کے سارے میچز پاکستان میں منعقد نہیں ہوسکے، بھارت کی اس ہٹ دھرمی کے نتیجے میں پی سی بی نے ہائبرڈ ماڈل کے تحت 4 میچز کی میزبانی کی اور دیگر میچز سری لنکا میں منعقد ہوئے ۔
بھارتی ٹیم نے تمام میچز سری لنکا میں کھیلے اور ٹرافی بھی اپنے نام کی ۔
اب پاکستان کو 2025 میں چیمپئنز ٹرافی کی میزبانی کرنی ہے، بھارتی میڈیا نے ابھی سے ہی یہ پروپیگنڈا شروع کردیا ہے کہ حکومت اور بی سی سی آئی ٹیم کو پاکستان نہیں بھیجے گی۔
اس کے ساتھ یہ بھی کہہ دیا کہ آئی سی سی اس ایونٹ کیلیے نیوٹرل وینیو کا انتخاب کرے، اس صورت میں سری لنکا اور متحدہ عرب امارات میں سے کسی ایک ملک میں یہ ٹورنامنٹ منعقد ہوسکتا ہے۔
