پاکستان کے معروف گلوکار جواد احمد نے کرکٹ ورلڈکپ میں قومی ٹیم کا حوصلہ بڑھانے کے لیے خصوصی ترانہ ریلیز کر دیا ہے۔

گلوکار جواد احمد نے ورلڈ کپ کے لیے تیار کیے گئے ترانے کی ویڈیو جاری کر دی ہے۔

گلوکار نے خصوصی ترانہ ’جیت کی لگن، کے عنوان سے تیار کیا ہے اور اس کی ریکارڈنگز کے لیے مختلف کرکٹ گرائونڈز کا انتخاب کیا گیا ہے۔

موسیقار ساحر علی بگا نے اس خصوصی ترانے کا میوزک ترتیب دیا ہے جبکہ ڈائریکشن دینے والوں میں دلاویز علی شامل ہیں۔

گلوکار جواد احمد نے قومی ٹیم کے لیے نیک تمنائوں کا اظہار کیا ہے اور پاکستانی کھلاڑیوں کو خراج تحسین پیش کیا ہے۔

جواد احمد کہتے ہیں کہ قوم کی دعائیں پاکستانی ٹیم کے ساتھ ہیں اور وہی کامیابی سے ہمکنار ہو گی۔

ممبئی (این این آئی) بھارتی رئیلیٹی شو بگ باس کا نیا سیزن 15 اکتوبر کی شب کو ہوگا جس میں معروف بھارتی اداکار و اداکارائیں شرکت کریں گی۔

بگ باس کا ہر نیا آنے والا سیزن پچھلے سیزن سے مختلف ہوتا ہے، اسی لیے اس بار بھی رئیلیٹی شو میں کئی تبدیلیاں کی گئی ہیں۔

بگ باس کے گھر میں موبائل فونز اور سوشل میڈیا تک امیدواروں کی رسائی نہیں ہوتی، یہی وجہ ہے کہ شو میں شامل افراد اپنے پیاروں سمیت مداحوں سے بھی رابطے میں نہیں رہ پاتے لیکن اس بار ایسا نہیں ہوگا۔

بگ باس سے متعلق تمام تفصیلات شیئر کرنے والے ایکس کے پیج بگ باس تک نے اپنے مصدقہ اکائونٹ پر دعویٰ کیا ہے کہ 17ویں سیزن میں موبائل فونز استعمال کرنے کی اجازت ہوگی۔

دلچسپ بات یہ ہے کہ موبائل استعمال کرنے کی اجازت تمام امیدواروں کو نہیں بلکہ چند ایک کو ہوگی جو کہ مخصوص ٹاسک بخوبی سرانجام دیتے ہوئے جیتے گا۔

اس کے علاوہ کچھ اپ ڈیٹس میں یہ بھی بتایا جارہا ہے کہ ان امیدواروں کو سوشل میڈیا تک رسائی بھی اس بار ممکن ہوگی جس کے بعد وہ اپنے متعلق جان سکیں گے اور یہ چیز انہیں اپنا گیم پلان بہتر بنانے میں مدد فراہم کرے گی۔

کراچی (این این آئی) پاکستان شوبز انڈسٹری کی مایاناز اداکارہ ماہرہ خان نے عزیز و اقارب اور انٹرٹینمنٹ انڈسٹری کے ستاروں سے سجی قوالی نائٹ کی ویڈیو سوشل میڈیا پر شیئر کر دی۔

ماہرہ خان اور ان کے دیرینہ دوست و کاروباری شخصیت سلیم کریم رواں ماہ کے آغاز میں مری سے قریبی واقع نجی ہوٹل میں منعقد ہونے والی تقریب میں شادی کے بندھن میں بندھ گئے تھے جن کی تصاویر اور ویڈیوز وقتا فوقتا سامنے آ رہی ہیں۔

اب گزشتہ شب اداکارہ نے اپنی قوالی نائٹ کی ویڈیو شیئر کی جس میں معروف گلوکارہ عابدہ پروین نے اپنے سر بکھیرے اور کلام تو جھوم جھوم پیش کر کے تمام حاضرین کو جھومنے پر مجبور کر دیا۔

اداکارہ نے مذکورہ ویڈیو کے کیپشن میں لکھا کہ جو مجھے جانتا ہے وہ عابدہ پروین کو بھی جانتا ہے،میرا تمام پیار اور عزت ان کیلئے، الحمد اللہ، شکر، صبر، شکر۔

کھڈیاں خاص (این این آئی) معروف اداکارہ، گلوکارہ، بیوٹیشن غزل شاہ معروف ہوسٹ و اینکر ماجدعلی کی ناگہانی وفات پر روپڑیں۔

اپنے ایک ویڈیو پیغام میں روتے ہوئے غزل شاہ نے کہاکہ ماجد علی میرے بھائیوں جیساتھا اور اس نے اس کی کمی بھی محسوس نہیں ہونے دی تھی وہ واحد بندہ تھا جو میری ہرکامیابی پر خوشی کا اظہار کرتا اور مجھے ڈھیروں دعائیں دیاکرتا تھا۔

انہوں نے کہا کہ ماجد علی کی ناگہانی وفات نے دل بوجھل کردیاہے، یوں لگتا ہے میرے اوپر سے ایک بھائی کا ہاتھ اٹھ گیا ہے۔

غزل شاہ نے کہاکہ ماجد علی جتنا اچھا ہوسٹ تھا اتنا پیارا اور ملنسار انسان بھی تھا، اس فیلڈ میں کوئی اس سے ناراض نہیں تھا بلکہ سب اس سے خوش تھے اوراسکی عزت کیا کرتے تھے کیونکہ اس نے جس کسی کو بھی بلایا عزت احترام سے بلایا۔

غزل شاہ نے کہاکہ اس کی وفات کا ابھی تک یقین نہیں ہو رہا اور مدتوں ہوگا بھی نہیں دل خون کے آنسو رو رہا ہے۔ اللہ اسے کروٹ کروٹ جنت نصیب کرے۔