پاکستان کی معروف اداکارہ زارا نور عباس نے فلسطین کے مظلوم عوام کے حق میں آواز بلند کی ہے۔

اپنے ایک ویڈیو پیغام میں اداکارہ زارا نور عباس نے کہا کہ فلسطینیوں کے ساتھ آج جو کچھ ہو رہا ہے یہی کل کو ہمارے ساتھ بھی ہو سکتا ہے، ہمیں مظلوم فلسطینیوں کے حق میں آواز بلند کرنی چاہیے۔

اداکارہ نے کہا کہ قیام پاکستان کے وقت ہمارے آبائو اجداد نے اس لیے قربانیاں دی تھیں کہ اگر مستقبل میں کسی بھی مسلمان پر ظلم ہو تو ہم اس کے حق میں بول سکیں۔

زارا نور عباس نے فنکاروں سے مخاطب ہوتے ہوئے کہا کہ یہ چپ رہنے کا وقت نہیں، مہربانی فرما کر اس وقت یہ بھول جائیں کہ آپ کا بین الاقوامی سطح پر کوئی آڈیشن ہونے والا ہے یا آپ ٹام کروز کے ساتھ کوئی بڑی فلم کرنے والے ہیں۔

انہوں نے مزید کہا کہ یاد رکھیں جس طرح دنیا کو فلسطین کی کوئی پرواہ نہیں ہے اسی طرح پاکستان کی بھی کسی کو پرواہ نہیں، لہٰذا ظلم کے خلاف آواز اٹھائیں۔

بھارتی فلم انڈسٹری پر راج کرنے والے بالی وڈ اسٹار سلمان خان کی میگا تھرلر فلم ٹائیگر 3 کے پہلے گانے کا ٹیزر جاری کر دیا گیا ہے۔

بالی وڈ اسٹار سلمان خان نے فلم ٹائیگر 3 میں جاسوس ایجنٹ کا کردار ادا کیا ہے، اداکار کی جانب سے اپنے آفیشل انسٹاگرام پر فلم کے گانے ’لے کے پرابھو کا نام‘ کا ٹیزر پوسٹ کیا گیا ہے۔

سلمان خان نے ٹیزر پوسٹ کرتے ہوئے لکھا کہ ایک چھوٹی سی جھلک دیکھ لیں، ٹائیگر اور زویا پارٹی کے لیے تیار ہیں۔

فلم کے لیے گانا بالی ووڈ کے معروف گلوکار ارجیت سنگھ نے گایا ہے، ان کی جانب سے 9 سال بعد سلمان خان کی کسی فلم میں گلوکاری کی گئی ہے۔

مداح ٹائیگر 3 میں ارجیت سنگھ کی گلوکاری کی خبر سن کر بے حد خوش ہیں کیوں کہ ان کو کئی سالوں سے انتظار تھا کہ دونوں فنکاروں کی صلح کب ہو گی۔

بھارت کی فلم انڈسٹری کو خیرباد کہنے والی سابق اداکارہ ثنا خان بھی فلسطین کے مظلوم عوام کی حمایت میں سامنے آ گئی ہیں۔

اسرائیلی فوج کی جانب سے فلسطین پر بمباری کے خلاف دنیا بھر کے فنکار آواز اٹھا رہے ہیں اور مطالبہ کیا جا رہا ہے کہ غزہ میں فوری جنگ بندی کی جائے۔

پاکستان، ترکیہ اور بھارت کے بھی کچھ اداکاروں نے فلسطین کے عوام کی حمایت کی ہے، بھارتی اداکار سونم کپور، سوارا بھاسگر اور گوہر خان نے غزہ میں جنگ بندی کا مطالبہ کیا مگر ثنا خان بالکل خاموش تھیں۔

ثنا خان کی خاموشی پر سوشل میڈیا صارفین نے انہیں تنقید کا نشانہ بنایا اور کہا کہ سابق اداکارہ کو بھارت کا ڈر ہے اور وہ سمجھتی ہیں کہ اگر کچھ بولا تو یوٹیوب چینل بند کر دیا جائے۔

اس ساری تنقید کے بعد ثناخان نے انسٹا گرام پر اسرائیلی فوج کی جانب سے فلسطین کے مظلوم عوام پر مظالم کی مذمت کی ہے۔

ثناخان نے لکھا میں فلسطین کے عوام کے ساتھ کھڑی ہوں، بے شرم لوگوں نے ہسپتال اور معصوم بچوں کو بھی نہیں بخشا۔