آئی سی سی کرکٹ ورلڈ کپ کے 19ویں میچ میں سری لنکا نے  نیدر لینڈ کو شکست دے کر ایونٹ میں پہلی کامیابی اپنے نام کر لی تاہم پہلی کامیابی کے باوجود سری لنکا کی پوائنٹس ٹیبل پر نویں پوزیشن ہے۔

سری لنکا اور نیدر لینڈ کا میچ بھارتی شہر لکھنئو کے اکانا سپورٹس سٹی میں کھیلا گیا۔ نیدر لینڈ نے ٹاس جیت کر پہلے بیٹنگ کرتے ہوئے سری لنکا کو جیت کے لیے 263 رنز کا ٹارگٹ دیا جسے سری لنکا نے 49 ویں اوور میں 5 وکٹوں کے نقصان پر پورا کرلیا۔

نیدر لینڈ کی پوری ٹیم 49.4 اوورز میں 262 رنز بنا کر آئوٹ ہو گئی، ہدف ک تعاقب میں سری لنکا کی پہلی تین وکٹیں گرنے کے بعد ٹیم قدرے دبائو میں آگئی تاہم اس کے بعدسدیرا سمارا وکرما کی91 رنز کی شاندار اننگز کی بدولت سری لنکن ٹیم میچ جیتنے میں کامیاب ہوئی۔اسالانکا نے بھی44 رنز بنائے جبکہ اوپنرنیسانکا54 رنز بنا کرآئوٹ ہوئے۔ اختتامی اوورز میں ڈی سلوا نے بھی 30 رنز کی عمدہ اننگز کھیلی اور اپنی ٹیم کی فتح میں اہم کردار ادا کیا۔

یہ ایونٹ میں سری لنکا کی پہلی فتح ہے اس سے قبل سری لنکن ٹیم اپنے تینوں میچز میں شکست سے دوچار ہوئی تھی۔ سری لنکن ٹیم اب تک ٹورنامنٹ میں چار میچز کھیل چکی ہے جن میں سے صرف ایک میچ جیت سکی جبکہ نیدر لینڈ کی ٹیم بھی چار میچز میں سے صرف ایک میچ ہی جیت سکی ہے جب انہوں نے جنوبی افریقہ کو شکست دی تھی۔

ورلڈ کپ میں آسٹریلیا کے خلاف اہم میچ میں ڈیوڈ وارنر کا کیچ ڈراپ کرنا پاکستان کو مہنگا پڑگیا۔

فاسٹ بولر شاہین آفریدی کی گیند پر جب اسامہ میر نے ڈیوڈ وارنر کا آسان کیچ ڈراپ کیا توآسٹریلیا کا اسکور35 سے بھی کم تھا۔ چانس ملنے کے بعد ڈیوڈ وارنر نے حارث رئوف، افتخار احمد ، اسامہ میر اور محمد نواز کے خلاف ایسا جارحانہ کھیل پیش کیا کہ پاکستانی بولرز لائن ولینتھ ہی بھول گئے۔ڈیوڈ وارنر نے 7 چوکوں اور6 شاندار چھکوں کی مدد سے سنچری سکور کی  اور مچل مارش کے ساتھ مل کر ورلڈ کپ کی سب سے بڑی اوپننگ پارٹنر شپ بھی قائم کی۔ ڈیوڈ وارنر نے سنچری کے لئے 85 گیندوں کاسامنا کیا۔ ڈیوڈ وارنر کو سنچری مکمل کرنے کے بعد دوسرا چانس ملا جب اسامہ میر کی گیند پر عبداللہ شفیق نے کیچ ڈراپ کردیا۔

ڈیوڈ وارنر کے ساتھ مچل مارش نے بھی پاکستانی بولرز کے خلاف کھل کر وکٹ کے چاروں اطراف شارٹس لگائیں، مچل مارش نے بھی سنچری سکور کی جب ان کی سنچری مکمل ہوئی تو وہ  10 چوکے اور 6 شاندار چھکے لگاچکے تھے ۔

کرکٹ کا عالمی مقابلہ بھارت میں جاری ہے، ایونٹ کے 17ویں میچ میں آج بھارت اور بنگلا دیش کی ٹیمیں مد مقابل ہیں۔

بنگلا دیش نے بھارت کے خلاف ٹاس جیت کر پہلے بیٹنگ کا فیصلہ کیا ہے جس کے بعد کھیل جاری ہے۔

کرکٹ ورلڈ کپ کا 17واں میچ بنگلا دیش اور بھارت کی کرکٹ ٹیموں کے درمیان بھارتی شہر پونے میں مہاراشٹرا کرکٹ ایسوسی ایشن کرکٹ سٹیڈیم میں ہو رہا ہے۔

بھارت کی کرکٹ ٹیم نے اب تک 3 میچز کھیلے ہیں اور ناقابل شکست ہے جبکہ بنگلا دیش کی ٹیم نے 3 میچز کھیل کر ایک میں کامیابی حاصل کی ہے اور 2 میچوں میں اسے شکست کا سامنا کرنا پڑا ہے۔

آج کے میچ کے لیے بھارتی اسکواڈ میں روہت شرما، شبمن گل، ویرات کوہلی، شریاس، کے ایل راہول، ہاردک پانڈیا، جدیجا، شردل، بمراہ، کلدیپ یادیو، محمد سراج شامل ہیں۔

بنگلا دیش کے اسکواڈ میں نجم الحسین، لٹن داس، مہدی حسن مرزا، مشفیق الرحیم، توحید، محمداللہ، نسوم احمد، حسن محمود، مستفیظ الرحمان، شریف الاسلام شامل ہیں۔

سابق بھارتی کرکٹر گوتم گھمبیر نے پاکستان کرکٹ ٹیم کے کپتان بابر اعظم کو کڑی تنقید کا نشانہ بناتے ہوئے کہا ہے بابر کو خود میں تبدیلی لانے کی ضرورت ہے۔

میڈیا سے گفتگو کرتے ہوئے گوتم گھمبیر نے کہا کہ ضروری ہے بابر اعظم اپنی شخصیت، گیم اور مائنڈسیٹ میں تبدیلی لائیں۔

گوتم گھمبیر نے شاہد آفریدی، عمران نذیر، سعید انور اور عامر سہیل کی مثال دیتے ہوئے کہا کہ پاکستان کے اٹیکنگ کرکٹرز کی ایک تاریخ رہی ہے۔ لیکن موجودہ تینوں پاکستانی ٹاپ آرڈرز کا بیٹنگ اسٹائل ایک جیسا ہی ہے۔

انہوں نے کہا کہ بابر اعظم پاکستان کے سب سے زیادہ رنز بنانے والے کھلاڑی بن سکتے ہیں مگر انہیں ذمہ داری لینا ہو گی۔

سابق بھارتی کرکٹر نے کہا کہ ٹیم ویسا کھیلتی ہے جیسا کپتان کھیلتا ہے، وسیم اکرم کو اس لیے یاد کیا جاتا ہے کہ 1992 کے ورلڈ کپ میں انہوں نے 3وکٹیں حاصل کی تھیں اور پاکستان ٹائٹل جیتا۔

بھارت کی کرکٹ ٹیم کے کپتان روہت شرما کا ٹریفک قوانین کی خلاف ورزی پر چالان ہو گیا ہے۔

بھارتی میڈیا کا کہنا ہے کہ کپتان روہت شرما کو تیزرفتاری کے باعث چالان کا سامنا کرنا پڑا ہے، بھارتی کرکٹ ٹیم کے کپتان بنگلا دیش کے خلاف میچ کے لیے ممبئی سے پونے کی طرف جا رہے تھے۔

پونے پولیس نے بھارتی کپتان روہت شرما کے 3 چالان کیے جو ممبئی پونے ایکسپریس وے پر ہوئے ہیں۔

ٹریفک ڈیپارٹمنٹ کی جانب سے روہت شرما کو آن لائن چالان کیے گئے جس کے بعد انہیں تنقید کا سامنا کرنا پڑ رہا ہے۔

ٹریفک ڈیپارٹمنٹ کے مطابق روہت شرما کو ورلڈ کپ کے دوران اپنی کار کے بجائے ٹیم بس پر سفر کرنا چاہیے تھا۔

سابق بھارتی کرکٹر سید کرمانی نے کہا ہے کہ پاکستانی ٹیم ورلڈ کپ کے سیمی فائنل میں رسائی حاصل کر لے گی۔

نجی ٹی وی سے گفتگو کرتے ہوئے انہوں نے کہا کہ پاکستان اور بھارت کے درمیان ہونے والے احمد آباد کے میچ میں پاکستانی شائقین کی کمی محسوس کی گئی، ہونا تو یہ چاہیے تھا کہ دونوں ملکوں کے شائقین اسٹیڈیم میں موجود ہوتے۔

سید کرمانی نے کہا کہ کسی بھی ٹیم کو جب کارکردگی دکھانے پر داد نہ ملے تو حوصلہ پست ہو جاتا ہے، پاکستانی شائقین کرکٹ کی بھارت میں عدم موجودگی ایک بہت بڑا سوال ہے۔

انہوں نے مزید کہا کہ بابر اعظم دنیا کے بہترین بیٹر ہیں، وہ مستقل مزاجی سے کھیلتے ہیں، اس کے علاوہ پاکستان کی بولنگ لائن بھی بہت مضبوط ہے۔