All posts by ghulam mustafa

خاتون سے زیادتی کی کوشش: شہریوں نے ملزم کا منہ کالا کر کے گلے میں جوتوں کا ہار پہنا دیا

   13  اکتوبر‬‮  2023    |       پاکستان   


نوشہرہ میں خاتون سے زیادتی کی کوشش کرنے والے شخص کو شہریوں نے پکڑ لیا اور تشدد کا نشانہ بنا ڈالا۔

پولیس نے بتایا ہے کہ واقعہ وادی سون نوشہرہ میں پیش آیا ہے جہاں پر ملزم نے خاتون کو گھر پر اکیلا پا کر مبینہ طور پر زیادتی کی کوشش کی۔

ملزم کی جانب سے زیادتی کی کوشش پر خاتون نے شور مچایا جس پر اہل محلہ اکٹھے ہو گئے اور ملزم کو پہلے تشدد کا نشانہ بنایا اور پھر منہ کالا کر کے گلے میں جوتوں کا ہار پہنایا۔

پولیس نے بتایا کہ ملزم کو تشدد کا نشانہ بنانے کے بعد چھوڑ دیا گیا جبکہ خاتون نے قانونی کارروائی سے بھی انکار کر دیا۔

بلی نے چوہے کا شکار کر کے لاہور ایئرپورٹ کے عملے کو مشکل میں ڈال دیا

   13  اکتوبر‬‮  2023    |       پاکستان   


لاہور کے علامہ اقبال انٹرنیشنل ایئرپورٹ پر گھس پر بلی کے چوہا پکڑنے کا ڈی جی سول ایوی ایشن نے نوٹس لے لیا ہے۔

ڈی جی سول ایوی ایشن نے انتظامیہ سے باز پرس کرتے ہوئے ناقص صفائی پر شدید برہمی کا اظہار کیا ہے۔

ڈی جی کو بتایا گیا ہے کہ بلی کنویر بیلٹ سے ڈیپارچرلاؤنج پر پہنچی اور وہاں اس نے چوہے کا شکار کیا۔

دوسری جانب سول ایوی ایشن کے ترجمان نے کہا ہے کہ غفلت اور لاپرواہی کے مرتکب عملے کے خلاف کارروائی عمل میں لائی جائے گی۔

میڈیا رپورٹس میں یہ بات بھی سامنے آئی ہے کہ علامہ اقبال انٹرنیشنل ایئرپورٹ لاہور کی صفائی سھترائی کا انتظام آؤٹ سورس کمپنی کو دیا گیا ہے۔

کرکٹ ورلڈ کپ 2023: نیوزی لینڈ نے فتوحات کی ہیٹ ٹرک کرلی،بنگلا دیش کو8 وکٹوں سے شکست

   13  اکتوبر‬‮  2023    |       کھیل   


آئی سی سی ورلڈکپ کے  11 ویں میچ میں نیوزی لینڈ نے بنگلادیش کو  8 وکٹوں سے شکست دے کر ایونٹ میں فتوحات کی ہیٹ ٹرک کرلی۔

نیوزی لینڈ نے بنگلادیش کا 246 رنز کا ہدف 43.5 اوورز میں 2 وکٹوں کے نقصان پر حاصل کر لیا۔ نیوزی لینڈ کی طرف سے ڈیرل مچل 89، کپتان کین ولیمسن 78 اور ڈیون کونوے نے 45 رنز کی اننگز کھیلی۔

کیویز کی ایونٹ میں یہ مسلسل تیسری کامیابی ہے جس کے بعد وہ 6 پوائنٹس کے ساتھ پوائنٹس ٹیبل پر پہلی پوزیشن پر آگیا ہے۔

نیوزی لینڈ نے پہلے میچ میں انگلینڈ اور دوسرے میچ میں نیدرلینڈز کو شکست دی تھی

جمعہ کے روزنیوزی لینڈ نے ٹاس جیت کر بنگلا دیش کو پہلے بیٹنگ کی دعوت دی تھی  بنگلہ دیش کی پہلی چار وکٹیں جلد گرنے کے بعد شکیب الحسن اور مشفیق الرحیم نے اپنی ٹیم کاسکور آگے بڑھانے کی جدوجہد کی اور آخری اوورز میں محمود اللہ کی خوبصورت اننگز کی بدولت بنگلہ دیش نیوزی لینڈ کو246 رنز کاہدف دینے کامیاب ہوا۔ بنگلہ دیش کے اوپنر لٹن داس بغیر کوئی رن بنائے آئوٹ ہوئے، تنزید حسن 16 اور مہدی حسن میراز30 رنز بناسکے، نجم الحسن صرف 7 رنز بناکر آئوٹ ہوگئے، شکیب الحسن نے 40 رنز اور مشفیق الرحیم نے 66 رنز بناکر ٹیم کاسکور آگے بڑھایا، توحید ہردوئے نے 13 رنز بنائے اورتسکین احمد17 رنز بناسکے جبکہ محمود اللہ نے 41 رنز کے ساتھ ٹیم کاسکور245 تک پہنچایا اور ناٹ آئوٹ رہے۔

 

 

تحریک انصاف نہیں چھوڑوں گا، اسی لیے جیل کاٹ رہا ہوں: پرویز الٰہی

   13  اکتوبر‬‮  2023    |       اہم خبریں   


پاکستان تحریک انصاف کے مرکزی صدر چوہدری پرویز الٰہی نے کہا ہے کہ میں تحریک انصاف نہیں چھوڑوں گا، اسی لیے جیل بھی کاٹ رہا ہوں۔

جوڈیشل کمپلیکس اسلام آباد میں پیشی کے موقع پر صحافی نے پرویزالٰہی سے جیل کے اندر عمران خان سے پیغام رسانی کے حوالے سے سوال کیا کہ سنا ہے عمران خان نے ٹکٹوں نے تقسیم کے حوالے سے آپ سے تجاویز مانگی ہیں جس پر پرویز الٰہی نے کہا کہ ایسی تو کوئی بات نہیں ہے۔

پرویز الٰہی نے کہا کہ عمران خان جس سیل میں قید ہیں اس کی باہر والی دیوار توڑ دی گئی ہے، جیل میں کھانا اچھا نہیں ملتا جس کی وجہ سے فوڈ پوائزنگ ہو گئی ہے، اسی لیے صحت بھی اچھی نہیں، یہاں پہنچنے میں خاصی مشکل ہوئی۔

ایک اور سوال کے جواب میں پرویز الٰہی نے کہا کہ میں پی ٹی آئی میں ہی رہوں گا۔

صحافی نے مونس الٰہی کے حوالے سے سوال داغ دیا کہ جب نواز شریف قید تھے تو مونس الٰہی تنقید کرتے تھے کہ ان کے بیٹے انہیں پوچھنے نہیں جاتے، اب آپ قید ہیں تو آپ کے بیٹے یہاں آپ کا حال معلوم کرنے کیوں نہیں آ رہے؟۔

پرویز الٰہی نے صحافی کے سوال پر جواب دیا کہ میں ٹھیک ہوں، اللہ کا شکر ہے مجھے کوئی مشکل نہیں۔

اسلام آباد کی انسداد دہشت گردی عدالت نے جوڈیشل کمپلیکس حملہ کیس میں پرویز الٰہی کے جوڈیشل ریمانڈ میں 24 اکتوبر تک توسیع کر دی۔

نیب ترامیم کیخلاف فیصلہ کالعدم قرار دیا جائے: سپریم کورٹ میں نظرثانی اپیل دائر

   13  اکتوبر‬‮  2023    |       اہم خبریں, پاکستان   


سپریم کورٹ آف پاکستان میں نیب ترامیم کے خلاف فیصلہ چیلنج کر دیا گیا ہے۔

ایڈووکیٹ فاروق ایچ نائیک نے عبد الجبار کی طرف سے نظر ثانی اپیل دائر کی ہے۔

درخواست میں موقف اختیار کیا گیا ہے کہ سپریم کورٹ نے ہمیں سنے بغیر نیب ترامیم کے خلاف فیصلہ دیا۔

درخواست میں کہا گیا ہے کہ نیب ترامیم کیخلاف درخواست میں کسی بنیادی حقوق خلاف ورزی کی نشاندہی نہیں کی گئی۔ نیب ترامیم کیخلاف درخواست آرٹیکل کے تقاضے پوری نہیں کرتی تھی۔

درخواست میں استدعا کی گئی ہے کہ سپریم کورٹ نیب ترامیم کیخلاف 15 ستمبر کا فیصلہ کالعدم قرار دے۔

کرکٹ ورلڈ کپ: پاک بھارت ٹاکرے سے قبل محمد رضوان کے بھارتی میڈیا پر چرچے

   13  اکتوبر‬‮  2023    |       کھیل, ورلڈ کپ 2023   


کرکٹ کے عالمی مقابلے کا انتہائی اہم میچ پاک بھارت ٹاکرا کل ہونے جا رہا ہے۔

قومی کرکٹ ٹیم کے وکٹ کیپر بیٹر محمد رضوان نے بھارتی بولرز کا سامنا کرنے کے لیے نئی تکنیک اپنا لی ہے جس کے بھارتی میڈیا پر چرچے ہیں۔

بھارتی میڈیا کا کہنا ہے کہ محمد رضوان نے پریکٹس سیشن کے دوران نیٹ میں ایک گھنٹے تک کلدیپ یادیو کی طرح لیفٹ آرم اسپنر کا سامنا کیا۔

بھارتی میڈیا رپورٹ کر رہا ہے کہ پاکستانی وکٹ کیپر بیٹر محمد رضوان نے کنڈیشنز کو سامنے رکھتے ہوئے پریکٹس کی ہے اور اس دوران ٹیم ڈائریکٹر مکی آرتھر نے کھلاڑیوں کو بھارت کے خلاف میچ کے حوالے سے حکمت عملی بتائی۔

قومی ٹیم نے کل بھارت کا سامنا کرنے کے لیے بھرپور پریکٹس کی ہے، پاک بھارت ٹاکرا کل 14 اکتوبر کو بھارتی شہر احمدآباد کے نریندرا مودی اسٹیڈیم میں ہو گا۔

ورلڈ کپ: فاسٹ بولر احسان اللہ کی پاک بھارت میچ کے حوالے سے اہم پیشگوئی

   13  اکتوبر‬‮  2023    |       کھیل, ورلڈ کپ 2023   


پاکستان کے فاسٹ بولر احسان اللہ نے پیش گوئی کی ہے کہ کرکٹ ورلڈ کپ میں کل ہونے والا پاک بھارت میچ پاکستان باآسانی جیت جائے گا۔

اپنے ایک بیان میں احسان اللہ نے کہا کہ قومی کرکٹ ٹیم کی سری لنکا کے خلاف تاریخی کامیابی پر مجھے خوشی ہوئی ہے، ہماری ٹیم سب کو ہرا کر سیمی فائنل کے لیے کوالیفائی کرے گی۔

انہوں نے خواہش کا اظہار کرتے ہوئے کہا کہ قومی ٹیم ورلڈ کپ جیت کر آئے تو یہ بہت ہی مزے کی بات ہو گی۔

احسان اللہ نے کہا کہ حارث رؤف، حسن علی اور شاہین شاہ آفریدی بڑے میچ کے کھلاڑی ہیں اور اچھی بولنگ کرتے ہیں۔ کبھی کبھار خراب دن آ جاتا ہے۔ کل ہونے والا بھارت کے خلاف میچ ہم یکطرفہ جیت جائیں گے۔

یاد رہے کہ فاسٹ بولر احسان اللہ انجری کے باعث سرجری کی وجہ سے ان دنوں کرکٹ سے دور ہیں۔

فاسٹ بولر نسیم شاہ کو دبئی کا گولڈن ویزہ مل گیا

   13  اکتوبر‬‮  2023    |       کھیل   


قومی کرکٹ ٹیم کے فاسٹ بولر نسیم شاہ کو دبئی کا گولڈن ویزہ مل گیا ہے۔

فاسٹ بولر نسیم شاہ کی جانب سے گولڈن ویزہ ملنے پر خوشی کا اظہار کیا گیا ہے، انہوں نے کہا کہ دبئی کو میں دوسرا گھر سمجھتا ہوں۔

گولڈن ویزہ ملنے کی خبر سوشل میڈیا پر شیئرکرتے ہوئے نسیم شاہ نے لکھا کہ جس ملک کو میں اپنا دوسرا گھر سمجھتا ہوں اس کا گولڈن ویزہ ملنا میرے لیے بڑے اعزاز کی بات ہے۔

اس سے قبل نسیم شاہ کے علاوہ افتخار احمد، شاداب خان کے علاوہ متعدد پاکستانی کرکٹرز کو دبئی کا گولڈن ویزہ مل چکا ہے۔

یاد رہے کہ نسیم ایشیا کپ کے دوران انجرڈ ہونے کے باعث ورلڈ کپ اسکواڈ کا حصہ نہیں ہیں اور ان کے کندھے کی سرجری ہوئی ہے۔

غزہ پر حملے بند ورنہ نیا محاذ کھل سکتا ہے: ایران نے اسرائیل کو خبردار کر دیا

   13  اکتوبر‬‮  2023    |       دنیا   


ایران نے اسرائیل کو خبردار کیا ہے کہ اگر غزہ پر حملے نہ روکے گئے تو جنگ کی صورت میں نیا محاذ کھل سکتا ہے۔

ایرانی وزیر خارجہ حسین امیر عبدالہیان کا لبنان کے دارالحکومت بیروت پہنچنے پر لبنانی حکام اور حماس سمیت اسلامی جہاد کے نمائندوں نے استقبال کیا ہے۔

ایرانی وزیرخارجہ نے لبنان میں صحافیوں سے گفتگو کرتے ہوئے کہا کہ اسرائیل کی جانب سے غزہ کی ناکہ بندی کے باعث جنگ کی صورت میں نیا محاذ کھل سکتا ہے۔

کرکٹ ورلڈ کپ: پاک بھارت ٹاکرے کے دوران بارش کا کتنا امکان؟

   13  اکتوبر‬‮  2023    |       کھیل, ورلڈ کپ 2023   


کرکٹ ورلڈ کپ 2023 کے اہم میچ پاک بھارت ٹاکرے کے دوران بارش کی پیشگوئی کر دی گئی۔

میڈیا رپورٹس کے مطابق پاکستان اور بھارت کے درمیان 14 اکتوبر کو ہونے والے میچ کے دوران بارش کا امکان ہے تاہم اس سے میچ میں خلل نہیں پڑے گا چونکہ بارش کا امکان صرف 35 فیصد ہے۔

پاکستان اور بھارت کے درمیان کل ہونے والے میچ کے حوالے سے تیاریاں مکمل ہیں اور سیکیورٹی کے سخت انتظامات کیے گئے ہیں۔

ورلڈ کپ کے اہم میچ پاک بھارت ٹاکرے کے دوران احمدآباد کے نریندرا مودی اسٹیڈیم میں ایک لاکھ 30 ہزار سے زیادہ تماشائیوں کی آمد کی توقع کی جا رہی ہے۔

دوسری جانب ہوٹلوں پر کمروں کی ایڈوانس بکنگ ہو چکی ہے اور ٹکٹوں کی بلیک میں فروخت کا سلسلہ بھی جاری ہے۔ شائقین کرکٹ کو پاکستان اور بھارت کے درمیان میچ کا بے صبری سے انتظار ہے۔

مشکلات کا شکار ملکی معیشت اب بہتری کی جانب گامزن

   13  اکتوبر‬‮  2023    |       اہم خبریں, تجارت   


مشکلات کا شکار پاکستانی معیشت اب بہتری کی جانب گامزن ہے، اور شرح نمو میں بھی بہتری دیکھی جا رہی ہے۔

پاکستان کی شرح نمو مالی سال 2024 کے لیے 3.5 فیصد تک بہتر ہو گئی ہے جو 2023 کے لیے 0.3 فیصد تھی۔

اعدادو شمار کے مطابق پاکستان میں اگست 2023 تک پاور جنریشن میں 14 فیصد، ڈیزل سیل میں 11 فیصد اور پیٹرول سیل میں 8 فیصد سے زیادہ اضافہ دیکھنے میں آیا ہے۔

اعدادوشمار میں پاکستانی برآمدات کے حوالے سے بھی حوصلہ افزا خبر ہے کہ ستمبر 2023 میں پاکستان کی ملکی برآمدات 1.15 فیصد سے بڑھ کر 2.40 بلین ڈالر تک پہنچ چکی ہیں۔

پاکستان پیٹرولیم لمیٹیڈ (پی پی ایل) کی شرح نمو میں جو اضافہ دیکھنے میں آیا وہ ریکارڈ 42 فیصد ہے۔ اس کے علاوہ کاٹن کی پیداوار 72 فیصد تک پہنچ چکی ہے۔

اعدادوشمار کے مطابق پاکستان میں گندم کی پیداوار 28 ملین ٹن تک پہنچ چکی ہے جب کہ چاول کی پیداوار 9 ملین ٹن پہنچنے کا اندازہ لگایا گیا ہے۔

ماہ ستمبر کے دوران پاکستان کا تجارتی خسارہ 48.2 فیصد تک کم ہوا ہے جبکہ 2 ماہ کے عرصے میں ڈالر کی قدر میں 50 روپے سے زیادہ کمی واقع ہوئی ہے۔

پاکستان کے عالمی مالیاتی اداروں کے ساتھ معاہدے کامیابی کے ساتھ چل رہے ہیں، آئی ایم ایف، بین الاقوامی ترقیاتی بینک اور ورلڈ بینک سے پاکستان کو مجموعی طور پر 1.4 ارب ڈالر ملیں گے۔

اسرائیل میں افراتفری کی صورتحال، وزیر اطلاعات اچانک مستعفی

   13  اکتوبر‬‮  2023    |       دنیا   


اسرائیل اور فلسطین کی مزاحمتی تنظیم حماس کے درمیان کشیدگی کے بعد اسرائیل میں افراتفری کی صورت حال پیدا ہو گئی ہے، اور اب وزیر اطلاعات گالیت ڈسٹل نے اچانک عہدے سے استعفیٰ دے دیا ہے۔

سماجی رابطے کی ویب سائٹ ایکس پر اپنے ایک بیان میں اسرائیلی وزیر اطلاعات گالیت ڈسٹل نے لکھا کہ رواں ہفتے کے آغاز میں انفارمیشن سسٹم کے سربراہ نے وزارت خارجہ کے امور کے ساتھ بین الاقوامی سطح پر اسرائیل کے ریاستی معاملات کی اطلاعات کی سرگرمیوں کی ذمہ داریاں بھی منسٹری آف ڈائسپورہ کو سونپ دی تھیں۔

انہوں نے مزید کہا کہ بے اختیار وزارت اطلاعات کو دیکھ کر میں سمجھتی ہوں کہ اب اس عہدے پر براجمان رہنا اسرائیلی خزانے کا نقصان کرنے کے مترادف ہے۔

گالیت ڈسٹل لکھتی ہیں کہ سب سے اہم ملک کی بہتری ہے، اس لیے میں نے فیصلہ کیا ہے کہ اپنے عہدے سے الگ ہو جائوں، اس لیے میں وزارت اطلاعات سے مستعفی ہو رہی ہوں۔